جی میل صارفین اکاؤنٹ کو ڈٰیلیٹ ہونے سے کیسے بچا سکتے ہیں؟

حال ہی میں ملٹی نیشنل ٹیکنالوجی کمپنی کی جانب سے دو سال سے غیرمتحرک اکائونٹس کو ختم کرنے کے اعلان کے بعد لاکھوں صارفین کے اکاوئنٹس کو خطرہ لاحق ہو گیا ہے، اکائونٹس میں موجود تمام ڈیٹا بھی ڈیلیٹ کر دیا جائے گا۔ملٹی نیشنل ٹیکنالوجی کمپنی google نے کہا ہے کہ یکم دسمبر سے صارفین کے ذاتی گوگل اکاؤنٹس ختم ہونا شروع ہو جائیں گے، ایسے صارفین جنہوں نے پچھلے 2سال سے اپنا گوگل اکاؤنٹ استعمال نہیں کیا، گوگل کے اس اقدام سے صارفین کی جی میل، فوٹو گیلری، ویڈیوز، گوگل ڈاکومنٹس ڈیلیٹ ہو جائیں گے، اب چونکہ یکم دسمبر کے آنے میں صرف 16 دن باقی رہ گئے ہیں تو ایسے میں یہ کہا جا سکتا ہے کہ گوگل صارفین (جنہوں نے پچھلے 2 سال سے اپنا گوگل اکاؤنٹ استعمال نہیں کیا) کے لیے الٹی گنتی شروع ہو گئی ہے۔اگر آپ کا گوگل اکاؤنٹ پچھلے 2 برسوں سے غیر فعال تھا اور یکم دسمبر کے بعد آپ کا گوگل اکاؤنٹ ختم ہو گیا تو آپ گوگل کو قصور وار نہیں ٹھیرا سکتے کیونکہ گوگل نے رواں سال جولائی میں انتباہ جاری کیا تھا کہ ایسے گوگل اکاؤنٹ جو پچھلے 2 برسوں سے غیر فعال ہیں، دسمبر میں ختم کر دیئے جائیں گے۔یکم دسمبر سے گوگل صارفین کے وہ اکاؤنٹس ڈیلیٹ کیے جائیں گے جو صارفین نے بنا تو لیے لیکن کبھی استعمال نہیں کیے، 1.8 بلین سے زیادہ جی میل صارفین کے مقابلے میں گوگل فوٹوز کے صارفین کی تعداد 2 بلین سے بھی بڑھ گئی ہے، اگر آپ نے پچھلے 2 برسوں سے جی میل پر کوئی ای میل پڑھی یا بھیجی ہے، گوگل ڈرائیو میں کچھ اسٹور کیا ہے، گوگل پلے اسٹور سے کوئی ایپ ڈاؤن لوڈ کی ہے، گوگل فوٹوز میں تصویر شامل کی ہے یا اپنے گوگل اکاؤنٹ میں لاگ ان ہوتے ہوئے گوگل سرچ بھی کیا ہے تو آپ کا قیمتی مواد محفوظ ہے۔گوگل میں پروڈکٹ مینجمنٹ کی نائب صدر روتھ کریچیلی غیر فعال اکاؤنٹ پالیسی اپ ڈیٹ کی وضاحت کرتے ہوئے کہتی ہیں کہ ‘اگر کوئی اکاؤنٹ طویل عرصے تک استعمال نہیں کیا گیا ہے تو اس سے سیکیورٹی مسائل کا خدشہ ہے، ایسے صارفین جنہوں نے پچھلے 24 مہینوں میں ایک بار بھی اپنا گوگل اکاؤنٹ استعمال کیا ہے یا لاگ ان کیا ہے ان کا اکاؤنٹ ختم ہونے سے بچ جائے گا۔ایسے گوگل صارفین جو اکاؤنٹس کا پاس ورڈ بھول چکے ہیں تو وہ ریکوری ای میل یا ٹیلی فون نمبر کے ذریعے اپنے جی میل ریکور کر لیں، صارفین کو ای میل یا ایس ایم ایس کے ذریعے ایک تصدیقی کوڈ ملے گا، اگر صارفین غلط پاس ورڈ کے ساتھ لاگ ان ہونے کی کوشش کریں گے تو ان کو فارگیٹ پاسورڈ پر کلک کر کے نیا پاسپورڈ ترتیب دینے کا موقع ملے گا۔گوگل سپورٹ پوسٹنگ کے مطابق 2023 کے آخر تک جی میل کے بنیادی ایچ ٹی ایم ایل ورژن دستیاب نہیں ہوگا، جنوری 2024 Gmail خود بخود معیاری منظر میں تبدیل ہو جائے گا، گوگل کے مطابق بنیادی ایچ ٹی ایم ایل ویو جی میل کی متعدد خصوصیات کو اسپورٹ نہیں کرے گا، بشمول چیٹ، اسپیل چیکنگ، کی بورڈ شارٹ کٹ وغیرہ۔گوگل کا کہنا ہے کہ نیا ورژن بصارت سے محروم افراد کے لیے بھی مفید ہوگا۔2024 میں شروع ہونے والی Gmail میں دوسری بڑی تبدیلی اسپام پیغامات (جن سے ہر کوئی نفرت کرتا ہے) سے متعلق ہو گی، گوگل کی نئی پالیسی کے مطابق گوگل صارفین اسپام پیغامات بھیجنے والوں کی شناخت کر سکیں گے یعنی جعلی ای میل بھیجنے والوں کا پتہ چلایا جا سکے گا۔