جی میل صارفین کے لیے بڑی خوشخبری آ گئی؟

ٹوئیٹر، انسٹا گرام سمیت معروف سوشل میڈیا آئوٹ لیٹس کی طرح دنیا کی سب سے بڑی ای میل سروس ’’جی میل‘‘ نے بھی صارفین کے لیے تصدیقی بلیو ٹک سروس شروع کر دی ہے۔
گوگل نے جی میل اکاؤنٹس سمیت گوگل کے دیگر برانڈز پر صارفین اور اداروں کو مفت بلیو ٹک دینے کا آغاز کر دیا، کمپنی کی جانب سے ایک بلاگ پوسٹ میں بتایا گیا کہ جعل سازی کو روکنے کے لیے گوگل کے جی میل اور گوگل ورک پلیس سمیت دیگر پلیٹ فارمز پر تین مئی سے ’بلیو ٹک‘ دینے کا آغاز کر دیا گیا ہے، فیچر کے تحت دنیا بھر کے جی میل صارفین سمیت گوگل کے دیگر برانڈز کے صارفین کو تصدیق کے بعد مفت بلیو ٹک فراہم کر دیا جائے گا۔
بلاگ پوسٹ میں بتایا گیا ہے کہ فیچر کی آزمائش 2021 میں کی گئی تھی اور کمپنی نے اس فیچر اور پروگرام کو ’برانڈ انڈیکیٹرز فار میسیج ویری فکیشن‘ (Brand Indicators for Message Identification) (بی آئی ایم آئی) کا نام دیا ہے۔
فیچر کے تحت اداروں اور کمپنیز کے جی میل اکاؤنٹس سمیت گوگل کے دیگر برانڈز جیسا کہ گوگل ورک پلیس کے صارفین کو بھی بلیو ٹک فراہم کیے جائیں گے، تمام صارفین اور اداروں کو مفت میں بلیو ٹک فراہم کیا جائے گا، کمپنی کی جانب سے بلیو ٹک صارفین یا اداروں کے یوزر نیم کے ساتھ دیا جائے گا، جیسا ٹوئٹر پر دیا جاتا تھا۔
بلیو ٹک کے اوپر جیسے ہی کوئی صارف کلک کرے گا تو پیغام نظر آئے گا کہ اس ادارہ یا شخص کوئی فراڈ یا جعلی نہیں ہے بلکہ ایک مستند کمپنی یا فرد ہے، گوگل کی جانب سے جی میل پر بلیو ٹک دیئے جانے کے فیصلے پر دنیا بھر کے کروڑوں صارفین نے خوشی کا اظہار کیا اور اس فیچر کو جعلی ای میلز اور فراڈ سے حفاظت کا اچھا فیچر قرار دیا۔
خیال کیا جا رہا ہے کہ پاکستان میں بھی صارفین اور اداروں کی جی میل پر آئندہ ہفتے سے بلیو ٹک نظر آنا شروع ہو جائے گا، واضح رہے کہ تصدیقی بلیو ٹک دینے کا سلسلہ ٹوئیٹر پر شروع کیا گیا تھا لیکن اس کی بڑھتی ہوئی مقبولیت کے بعد اب جی میل نے بھی تصدیقی سروس شروع کر دی ہے، مستند ڈیٹا والے صارفین کو اسی وقت بلیو ٹک جاری کر دیا جائے گا جبکہ غیرمستند صارفین نے مصدقہ معلومات حاصل کی جائیں گی۔