شیخ وقاص نے خواجہ آصف اور بلاول بھٹو کو سیاسی مداری قرار دے دیا
سیکرٹری اطلاعات پی ٹی آئی شیخ وقاص اکرم نے وزیر دفاع خواجہ آصف اور چیئرمین پیپلز پارٹی بلاول بھٹو زرداری کےبیانات پر ردعمل دیتے ہوئے کہا کہ یہ سیاسی مداری اندرون خانہ اس بات کو تسلیم کرتے ہیں کہ عمران خان ہی پاکستان کی واحد سیاسی حقیقت ہے جس نے ملکی ترقی کےلیے اپنے سکون و آرام کی قربانی دی۔
رہنما پی ٹی آئی شیخ وقاص اکرم نے میڈیا کوریج اور عوامی توجہ حاصل کرنے کےلیے عمران خان کو ہدف تنقید بنانے والوں کو نوازشریف اور آصف زرداری کا درباری اور سیاسی مداری قرار دیتے ہوئے کہاکہ عمران خان عالمی سطح کے رہنما ہیں جب کہ ان کے نقاد محض اپنے آقاؤں کے پیادے ہیں جن کا کام بلاجواز تنقید کرنا ہے کیوں کہ شریف اور زرداری جیسے کرپٹ اور پرانے سیاسی خاندانوں کا سیاسی خاتمہ قریب ہے۔
شیخ وقاص اکرم نے الزام عائد کیاکہ اقتدار کے لالچی افراد کا یہ اتحاد ملکی مفادات کےلیے نہیں بلکہ عمران خان کو سیاسی منظرنامے سے باہر کرنے کےلیے ہے تاہم ان کا یہ مذموم منصوبہ الٹا پڑگیا اور وہ عمران خان کو سائیڈ لائن کرنے میں ناکام ہوگئے۔
شیخ وقاص اکرم نے بلاول بھٹو زرداری کو ناراض سیاسی بچہ قرار دیتےہوئے مشورہ دیا کہ وہ عمران خان جیسے عالمی رہنما کی بجائے اپنی سطح کے سیاسی لیڈران کے ساتھ بحث پر توجہ مرکوز رکھیں،بدقسمتی سے زرداری کی تاریخ رہی ہےکہ وہ اپنے سیاسی طور پر ناپختہ نوجوان بیٹے کو مسلم لیگ (ن) پر دباؤ ڈالنے کےلیے استعمال کرتے ہیں تاکہ شریفوں کو نشانہ بناکر مذاکرات میں فائدہ اٹھایا جاسکے۔
انہوں نے کہا کہ عمران خان نے زرداری اور شریف کے برعکس کبھی بھی سودے بازی کےلیے غیر ملکی مداخلت پر انحصار نہیں کیا جنہوں نے ملک کو تباہی کی حالت میں چھوڑا اور جیلوں سے بچنے اور باہر باہر نکلنے کےلیے مذاکرات کیے۔
سیکرٹری اطلاعات پی ٹی آئی نے خواجہ آصف کو انتہائی مضحکہ خیز سیاستدان قرار دیتے ہوئے کہاکہ ان کے سلطان محمود غزنوی کےبارے میں تبصروں نے پاکستان کو بین الاقوامی سطح پر مسلسل شرمندہ کیا حالانکہ وہ وزیر دفاع اور وزیر خارجہ جیسے اہم عہدوں پر فائز رہ چکے ہیں۔
بنگلہ دیش آرمی نےپاک فوج سے متعلق بھارتی رپورٹ مسترد کردی
شیخ وقاص اکرم نے خواجہ آصف کو مخاطب کرتے ہوئےکہاکہ آپ اور آپ کے ساتھی برسوں سے یہ دعویٰ کررہے ہیں کہ عمران خان فوج کاپراجیکٹ ہے۔
