شیر افضل مروت میرے وکیل نہیں : عمران خان
عمران خان نے پارٹی رہنما شیر افضل مروت کو بطور وکیل صفائی اڈیالہ جیل میں پیش ہونے سے روکتےہوئے جیل انتظامیہ اور عدالت کو اس فیصلے سے آگاہ کر دیا۔
عمران خان نے جیل انتظامیہ کو آگاہ کیا ہےکہ شیر افضل مروت میرے وکیل نہیں ہیں، انہیں جیل میں داخل نہ ہونےدیا جائے۔
عمران خان نے شیر افضل مروت سے متعلق تحریر بھی لکھوا دی ہے۔
رہنما پی ٹی آئی شیر افضل مروت جب عمران خان سے ملاقات کےلیے اڈیالہ جیل پہنچے تو انہیں وہاں سے واپس بھجوا دیا گیا۔
رکن قومی اسمبلی شیر افضل مروت کے اڈیالہ جیل پہنچنے پر جیل انتظامیہ نے عمران خان کو آگاہ کیا تھا۔
عمران خان نے مذاکرات ختم کرنےکا کہہ دیا ہے : بیرسٹر گوہر
یاد رہےکہ گزشتہ سال مئی میں عمران خان نےکہا تھاکہ سعودی وفد کے دورے کے موقع پر شیر افضل مروت نے متنازع بیان دیا، شیر افضل مروت نے پارٹی کےلیے زبردست کام کیا، لیکن سیاسی جماعت میں دائرے کےاندر رہ کر کام کرنا ہوتا ہے، شیر افضل مروت کو کئی مرتبہ سمجھایا پارٹی پالیسی کی خلاف ورزی نہ کرے۔انہوں نےکہا تھاکہ شیر افضل مروت ہر دوسرےدن کسی نہ کسی پارٹی لیڈر پر چڑھائی کردیتا تھا، شیر افضل کو سمجھایاکہ جنگ باہر والوں سےہوتی ہے پارٹی میں لڑائی نہیں ہوتی۔
