تمام پولیس افسر 25مئی کے واقعات سے بری الذمہ قرار
تحریک انصاف کے لانگ مارچ کے واقعات سے متعلق قائم سنگل جوڈیشل انکوائری بینچ نے تمام افسران کو بری الذمہ قرار دے دیا۔
ون مین ٹربیونل جسٹس شبر رضوی نے تمام افسران کو 25 مئی کے واقعات سے بری الذمہ قرار دے دیا۔رپورٹ کے مطابق پی ٹی آئی قیادت نےسینئرسول اور پولیس افسران کیخلاف صرف الزامات لگائے، پی ٹی آئی قیادت کوئی ثبوت فراہم نہیں کر سکی۔
کمیشن کے اعلامیے کے مطابق ون مین ٹریبونل نے 25مئی کو ہونے والے واقعات کے حقائق اور وجوہات کا تعین اور اقدامات کاجائزہ لے کر ذمہ داری کا تعین کرنا تھا۔
خیال رہے کہ 28 ستمبر کو اس وقت کے وزیراعلیٰ پنجاب چوہدری پرویزالہیٰ کی ہدایت پر مئی کو آزادی مارچ کے دوران پیش آنے والے واقعات کی تحقیقات کے لئے ون مین ٹربیونل قائم کیا گیا تھا۔ تحریک انصاف نے 26 جنوری کو بھی الیکشن کمیشن سے پنجاب کے نگراں سیٹ اپ میں سانحہ 25مئی میں ملوث 22افسران کی تعیناتی روکنے کا مطالبہ کیا تھا۔
