حمزہ شہباز کی جہانگیر ترین گروپ سے جلد ملاقات متوقع
اپوزیشن لیڈر پنجاب حمزہ شہباز نے ترین گروپ کی قیادت سے رابطہ کیا، آئندہ ہفتے ترین گروپ اور مسلم لیگ ن کی قیادت کی ملاقات ہوگی، حمزہ شہباز نے ترین گروپ کی قیادت سےرابطہ کیا۔ملاقات میں تحریک عدم اعتماد سمیت پنجاب میں تحریک عدم اعتماد لانے پر گفتگو کی جائے گی،دونوں رہنماوں کے درمیان ہونے والی طویل ملاقات میں سیاسی امور پر مشاورت کی گئی ہے۔
پی ٹی آئی کے منحرف رہنما علیم خان نے پنجاب میں وزیراعلیٰ عثمان بزدار کی بیڈ گورننس کے حوالے سے سابق وزیراعظم نواز شریف کو اپنے تحفظات سے آگاہ کیا، جبکہ نواز شریف نے سیاسی رہنما کی حیثیت سے علیم کو سراہا۔
دونوں رہنماؤں کی ملاقات کا اہتمام مشترکہ دوستوں نے کیا، علیم خان نے لندن آنے سے قبل شہباز شریف سے بھی لاہور میں ملاقات کی، ملاقات علیم خان کی نواز شریف سے ملاقات میں پاکستان کی سیاسی صورتحال پر گفتگو ہوئی۔
علیم خان نے نواز شریف کو بتایا کہ ان کے ساتھ تین سال میں کیا ہوتا رہا اور انکی اپنی جماعت پی ٹی آئی نے ان کو کس طرح نشانہ بنایا، ابھی علیم خان مسلم لیگ(ن) میں باضابطہ شمولیت اختیار نہیں کریں گے تاہم تحریک انصاف میں ہم خیال گروپ کی قیادت کریں گے۔
ان کی جہانگیر ترین سے ملاقات نہیں ہوگی اور وہ آج وطن واپس آئیں گے، اور آئندہ چند روز میں اراکین اسمبلی کے ساتھ میڈیا کے سامنے پاور شو کریں گے۔
