عمران خان اٹک سے اڈیالہ جیل منتقل

پاکستان تحریک انصاف کے چیئرمین عمران خان کو سخت سیکیورٹی میں اٹک سے اڈیالہ جیل منتقل کر دیا گیا ہے۔

چیئرمین پی ٹی آئی کو اڈیالہ جیل لے جانے والے اسلام آباد پولیس کے قافلے میں 15 گاڑیاں، 2 بکتر بند اور 1 ایمبولینس شامل تھی۔

پولیس کی نفری عمران خان کو اسلام آباد ہائی کورٹ کے حکم پر اٹک جیل سے براستہ موٹر وے اڈیالہ جیل منتقل کیا ہے،

جیل ذرائع کے مطابق چیئرمین پی ٹی آئی کو ہائی سیکیورٹی بیرک میں رکھا جائے گا، انہیں بی کلاس بیرک فراہم کی جائے گی۔چیئرمین پی ٹی آئی کو اسی بیرک میں رکھا جائے گا جس میں نواز شریف کو رکھا گیا تھا۔

جیل ذرائع کے مطابق چیئرمین پی ٹی آئی کو عدالتی احکامات کے مطابق سہولیات فراہم کی جائیں گی۔ انہیں جیل میں کمرہ و اٹیچ باتھ دیا جائے گا, ذرائع نے بتایا کہ چیئرمین پی ٹی آئی کے کھانے کے حوالے سے فیصلہ نہیں کیا گیا، چیئرمین پی ٹی آئی کے لیے ایک ملازم 24 گھنٹے تعینات کیا جائے گا۔