نواز،شہبازکا بغیردبائو فیصلے مرضی سے کرنے پراتفاق

وزیر اعظم شہباز شریف اور نواز شریف نے اس بات پر اتفاق کر لیا ہے کہ سیاسی امور پر کوئی دباؤ قبول نہیں، تمام فیصلے مرضی سے کیے جائیں گے۔

لندن میں وزیر اعظم شہباز شریف نے مسلم لیگ ن کے قائد نواز شریف سے ملاقات کی، ملاقات میں اتفاق رائے سے طے پایا کہ تمام فیصلے مرضی سے کئے جائیں گے، سیاسی اور ملکی امور سے متعلق کوئی دباؤ قبول نہیں کیا جائے گا۔

یادرہے کہ وزیر اعظم شہباز شریف گزشتہ رات مصر میں کوپ 27 کانفرنس کے اختتام پر پاکستان واپسی کی بجائے نجی ائیر لائن کے ذریعے لندن پہنچے اور سابق وزیر اعظم نواز شریف سے ملاقات کی۔

اس ملاقات میں دونوں رہنماؤں کے درمیان ملاقات میں سیاسی اور معاشی صورتحال سمیت اہم ملکی امور پر مشاورت کی گئی، ملاقات میں آئندہ کی سیاست اور حکمت عملی سے متعلق بات چیت بھی کی گئی۔

وزیر اعظم اور نواز شریف کی ملاقات میں آئندہ انتخابات، آرمی چیف کی تقرری سمیت تمام امور پر مشاورت بھی کی گئی، وزیر اعظم شہباز شریف لندن میں مزید ایک روز قیام کریں گے۔

Related Articles

Back to top button