پنجاب میں پاک فوج تعینات کرنےکی منظوری

وفاقی وزارت داخلہ نے محکمہ داخلہ پنجاب کی سفارش پر پنجاب میں پاک فوج تعینات کرنے کی منظوری دے دی۔

محکمہ داخلہ پنجاب نے چیئرمین تحریک انصاف عمران خان کی گرفتاری کے بعد صوبے میں پی ٹی آئی کارکنوں کے پرتشدد مظاہروں کے پیش نظر امن و امان کی صورتحال میں بہتری کیلئے فوج تعینات کرنے کی سفارش کی تھی۔

امن و امان کی صورتحال میں بہتری کیلئے محکمہ داخلہ پنجاب نے صوبے میں فوج تعیناتی کے لیے وفاق کو ریکوزیشن بھجوا دی۔ وفاقی حکومت نے پاک فوج کو آرٹیکل 245 کے تحت تعینات کرنے کی منظوری دیدی۔