عمران خان غدار، خط جعلی، اسد عمرسےلکھوایا،تہلکہ خیزانکشافات

تحریک انصاف کو حال میں چھوڑکر جانیوالے ڈاکٹرعامر لیاقت نے وزیر اعظم عمران خان کو غدار قرار دیتے ہوئے کہا ہے کہ اب میں ان کے ساتھ ہوں جو غدار نہیں ہیں ۔
سماجی رابطوں کی ویب سائٹ ٹویٹر پر عامر لیاقت کی ایک ویڈیو پیغام جاری کیا ہے ، جس میں انہوں نے عمران خان پر سنگین الزامات لگائے ہیں اور تہلکہ خیز انکشافات کیے ہیں۔
ویڈیو میں عامر لیاقت کا کہنا تھا خان صاحب میں آپ کو یہ بتانا چاہتا ہوں کہ ہم میں سے کوئی بھی غدار نہیں ہے، آپ نے اراکین قومی اسمبلی کو غدار قرار دیا ہے، آپ نے مجھے غدار کہا جب کہ میں تو دل کی تکلیف کے باعث عدم اعتماد کی ووٹنگ والے دن وہاں موجود نہیں تھا کیوں کہ میں اسپتال میں تھا، اور جب میں اسمبلی پہنچا تو وہاں دروازے بند ہوچکے تھے لہٰذا میں نے تو ووٹ دیا ہی نہیں۔ عامر لیاقت نے اپنے پیغام میں عمران خان کو ’ غدار ‘کہتے ہوئے واضح کیا کہ وہ اب عمران خان کے خلاف ووٹ دیں گے، میں اب ان کے ساتھ ہوں جو غدار نہیں ہیں۔
سابق پی ٹی آئی رہنما نے عمران خان کو مخاطب کرتے ہوئے انکشاف کیا کہ’تم نے جنرل باجوہ کو ہٹانے کی کوشش کی ، میں گواہی دیتا ہوں کہ آپ نے مجھے اکیلے میں بلا کر کہا کہ میں جنرل باجوہ کو ہٹانے والا ہوں، بہت بڑی بات کہہ رہاہوں اور بھی بہت کچھ جانتا ہوں ہے جو اگر میں نے بتادیا تو قیامت آجائے گی۔
انہوں نےوزیراعظم کو موصول مبینہ دھمکی آمیز خط پر تنقید کرتے ہوئے کہا کہ میں چپ بیٹھا ہوا ہوں کیوں کہ تمہاری طرح نہیں ہو جو ٹیلی ویژن پر آکر راز کھولتا پھروں ،ٹیلی ویژن پر جعلی خط لہراؤں، وہ خط جعلی ہے جو کہ اسد عمر سے لکھوایا گیا اور اس عمل میں شاہ محمود قریشی بھی شامل تھے۔
عمران خان کو خاموش رہنے کی تنبیہ کرتے ہوئےان کا کہنا تھا کہ آپ نے فوج میں بغاوت کرنے کی کوشش کی، آپ نے ایک کور کمانڈر کو سامنے لاکر آرمی چیف جنرل قمر جاوید باجوہ کو ہٹانے کی کوشش کی لیکن تمہارا باپ بھی جنرل باجوہ کو نہیں ہٹا سکتا۔
ڈاکٹر عامر لیاقت صدر عارف علوی کو تنقید کا نشانہ بناتے ہوئے کہا عمران خان عارف علوی کو کہو کہ الٹے سیدھے احکامات جاری کرنا چھوڑدے۔ انہوں نے آصف زرداری کو ’ بیداری ‘ کہہ کر ان کی تعریف کی اور ساتھ یہ بھی کہا کہ یہ مت کہنا کہ میں ان کے ساتھ ملا ہوا ہوں۔