عامر کی تیسری شادی نے کنواروں کے کنوارے پن کا اڑایا ہے مذاق

خود سے عمر میں 34 برس چھوٹی لڑکی سے تیسری شادی کرنے والے ڈاکٹر عامر لیاقت حسین اس وقت سوشل میڈیا ٹرینڈ کر رہے ہیں اور خود پر تنقید کرنے والے صارفین کو ترکی بہ ترکی جواب دے رہے ہیں۔ وہ انگریزی کا جملہ ہے نہ ’تھرڈ ٹائمز دا چارم‘ یعنی دو کوششیں تو کامیاب نہیں ہو سکیں مگر تیسری ضرور کامیاب رہے گی۔

وزیِراعظم عمران خان کی طلاق ہو یا تیسری شادی یا انھی کی پارٹی کے رکن عامر لیاقت حسین کی طلاق اور پھر جھٹ پٹ شادی کی خبر، بظاہر سوشل میڈیا صارفین کا یہ پسندیدہ موضوع ہے۔شاید یہی وجہ ہے کہ اس وقت پاکستان میں عامر لیاقت ٹاپ ٹرینڈ ہیں۔ یاد رہے کہ 51 سالہ عامر لیاقت حسین نے 18 سالہ ٹک ٹاکر سیدہ دانیہ شاہ سے تیسری شادی کر لی ہے۔

یاد رہے کہ عامر لیاقت گذشتہ کئی ہفتوں سے اپنی تیسری اہلیہ کے ٹیزر شئیر کر رہے تھے لیکن اب انھوں نے اپنی شادی کا اعلان کردیا ہے۔ اس وقت #amirliaquat اور #SyedaDaniaShah ٹوئٹر پر ٹاپ ٹرینڈز میں شامل ہیں اور ان کی شادی کے حوالے سے پاکستانی صارفین کے دلچسپ اور ملے جلے تبصرے سامنے آ رہے ہیں۔

کچھ افراد اس اچانک خبر پر حیران ہیں جبکہ دیگر عامر لیاقت کے انسٹاگرام اور دیگر سوشل میڈیا اکاؤنٹس کے حوالے سے یہ کہتے نظر آتے ہیں کہ یہ فیصلہ اچانک نہیں ہوا، ’عامر لیاقت گذشتہ کئی ہفتوں سے اپنی تیسری اہلیہ کے ٹیزر شئیر کر رہے تھے۔

چار روز قبل بھی انھوں نے سیدہ دانیہ کی ٹک ٹاک ویڈیو شئیر کرتے ہوئے لکھا تھا کہ ’بس کچھ دن رہ گئے ہیں۔‘ 24 جنوری کو بھی انھوں نے سیدہ دانیہ شاہ کی تصویر ان الفاظ کے ساتھ پوسٹ کی: ’آ رہی ہے۔‘ جبکہ اسی روز وہ ایک اور ٹک ٹاکر سندل کی جانب سے خود کو پروپوز کرنے کی ویڈیو بھی شئیر کرتے نظر آئے جسے انھوں نے بظاہر ریجیکٹ کر دیا تھا۔ایک توئیٹر صارف کامران بن وحید نے عامر لیاقت کی سیدہ دانیہ کے ساتھ ویڈیو شئیر کرتے ہوئے لکھا ’زندگی تو صرف آپ پر مہربان ہے عامر بھائی۔ ہم تو بس فارغ ہیں۔

تیسری شادی پر عامر لیاقت کی 2 سابقہ بیویوں نے کیا کہا

ایک صارف نے لکھا ’عامر لیاقت نے نوعمر لڑکی سے تیسری شادی کرکے کنواروں کا کنوارے پن کا جنازہ نکال دیا ہے۔‘ نمرہ انور نے ٹویٹ کیا ’کیا ایک میں ہی ہوں جس کی پہلی شادی بھی ابھی تک نہیں ہو رہی جبکہ رنگیلے عامر لیاقت نے تیسری شادی کرلی۔‘ ایسے ہی ایک اور دل جلے صارف نے لکھا ’مرشد مہنگائی سب کچھ برداشت کریں گے لیکن عامر لیاقت کی یہ زیادتی برداشت سے بالاتر ہے۔

جنوبی پنجاب کے کچھ نوجوان بھی عامر لیاقت سے خفا ہیں۔ ندیم نامی صارف نے لکھا ’عامر لیاقت نے تیسری شادی 18 سال کی لڑکی سے کرکے جنوبی پنجاب کے نوجوان لڑکوں سے غداری کی ہے الیکشن کمیشن کو چاہیے انکو نااہل کیا جائے۔‘ اب سوشل میڈیا صارفین کو کون کچھ کہنے سے روک سکتا ہے، کچھ لوگ تو وفاقی وزیرِ داخلہ شیخ رشید کا ذکر کرنا نہیں بھولے۔ کلیم اللہ نے لکھا ’زندگی جینا چاہتے ہو تو عامر لیاقت کی طرح جیو ورنہ زندگی تو شیخ رشید بھی گزار رہا ہے۔

دوسری جانب جانب کچھ افراد عامر لیاقت کی جانب سے اپنی تیسری اہلیہ کی عمر (18 سال) کو بظاہر شو آف کرنے پر ان پر تنقید کرتے نظر آئے۔ عمر نے لکھا ’عامر لیاقت کی جانب سے لڑکی کی کم عمری کو لے کر ڈینگیں مارنا اور شو آف کرنا ظاہر کرتا ہے کہ ان کے نزدیک عورت کتنی کم تر حیثیت کی مالک ہے اور وہ انھیں اپنے لیے ٹرافیز اور ایک کارنامہ سمجھتے ہیں۔

شہاب صدیقی نے 18 سالہ سیدہ دانیہ شاہ کی عامر لیاقت کے ساتھ شادی پر تنقید کرنے والوں کو لکھا ’دلہن کے 18 سال ہونے پر غم و غصہ سمجھ نہیں آ رہا۔ گویا عامر لیاقت سے شادی کی کوئی قابل قبول عمر ہے۔نہیا عمر نے عامر لیاقت کی تیسری شادی کی خبر پر تنقید کرتے ہوئے لکھا ’بیویاں بدلنا خود کو بدلنے سے زیادہ آسان ہے۔

دودری جانب خود پر تنقید کرنے والوں کو جواب دیتے ہوئے عامر لیاقت نے ٹویٹ کیا ہے کہ ’میری تیسری شادی کیا ہوئی، گویا آسٹریلیا کے جنگلات میں آگ لگ گئی، افواہوں، بدگمانیوں، غیبتوں اور حسد کے شعلے بھڑک رہے ہیں، لہٰذا میں تو یہی کہہ سکتا ہوں کہ جلنے والے جلتے رہیں۔ یاد رہے عامر لیاقت کی پہلی اہلیہ سیدہ بشری اقبال سے ان کے دو بچے دعا عامر اور احمد عامر ہیں۔

اپنی شادی کی خبر کے بعد عامر لیاقت نے اپنے بچوں کے ساتھ اپنی تصویر شئیر کرتے ہوئے لکھا ’جعلی ورچوئل دنیا اور افواہ ساز‘ فکر نہ کریں یہ دونوں میری دنیا ہیں۔ میں باپ ہوں اور میں اپنے بچوں سے پیار کرنا اور ان کی دیکھ بھال کرنا جانتا ہوں۔ پلیز مجھے مت سکھائیں۔‘