نواز کی جھوٹی ضمانت پر شہباز کیخلاف عدالت سے رجوع کا فیصلہ

حکومت نے سابق وزیراعظم نواز شریف کے علاج سے متعلق جھوٹی ضمانت دینے پر شہباز شریف کیخلاف عدالت جانے کا اعلان کر دیا ہے۔

اس بات کا اعلان وفاقی وزیر اطلاعات فواد چودھری نے اسلام آباد میں پریس کانفرنس سے خطاب کے دوران کیا، انھوں نے کہا کہ نواز شریف کا باہر جانا مکمل فراڈ تھا، نواز شریف نے 17 ماہ سے علاج نہیں کرایا، وہ ملک سے فراڈ کے ذریعے نکلے ہیں۔

وفاقی وزیر اطلاعات کے مطابق پنجاب حکومت نے نواز شریف کی صحت کی رپورٹس مسترد کر دی ہیں، نواز شریف کے باہر بھیجنے کے فراڈ کے ذمہ دار شہباز شریف ہیں اور شہباز شریف کی لاہور ہائیکورٹ طلبی پر درخواست دی جائے گی۔

کیا تحریک لبیک اگلے الیکشن میں کوئی جادو دکھا پائے گی؟

فواد چوہدری نے بتایا کہ سانحہ مری میں تقریباً22 افراد جان کی بازی ہار گئے ہیں، مری میں 5 گاڑیوں کے ساتھ واقعات پیش آئے، اموات کاربن مونو آکسائیڈ کی وجہ سے ہوئیں، وزیراعظم نے اس سانحے پر گہرے دکھ اور رنج وغم کا اظہار کیا ہے۔

وفاقی وزیراطلاعات نے کہا کہ وزارت داخلہ کے مطابق ایک لاکھ64ہزار گاڑیاں مری میں داخل ہوئیں، ہم نے 13نئے سیاحتی مقامات متعارف کرائے ہیں، ملک میں سیاحت کے بے پناہ مواقع ہیں۔