چیئرمین تحریک انصاف و سابق وزیر اعظم عمران خان نے وزیراعلیٰ پنجاب کے انتخابی عمل پرملک بھر کارکنوں کو احتجاج کی کال دیتے ہوئے کہا ہے کہ آصف زرداری ہر الیکشن میں چوری کا پیسہ چلا کر جمہوریت خریدتا ہے۔

پنجاب اسمبلی کے ڈپٹی دوست مزاری کی جانب سے ق لیگ کے ووٹ مسترد ہونے اور حمزہ شہباز کے دوبارہ وزیراعلیٰ منتخب ہونے کے بعد عوام سے خطاب کرتے ہوئے عمران خان نے کہا کہ پوری اطلاعات تھی کہ آصف علی زرداری پیسہ چلانے آرہا ہے، آصف زرداری اگر عوام میں نکلے گا تو لوگ انڈے ماریں گے۔

شہباز گل کو گرفتار کر لیا گیا، عمران خان کی مذمت

انکا کہنا تھا آج پنجاب اسمبلی میں جو کچھ ہوا وہ دیکھ کر حیران ہوں، آج رات سب کو گھروں سے نکل کر اپنا احتجاج رجسٹرڈ کرائیں۔

پی ٹی آئی چیئرمین نے کہا کہ آرٹیکل 63 اے میں لکھا ہے کہ پارٹی کا پارلیمانی سربراہ فیصلہ کرتا ہے کدھر ووٹ کرنا ہے، میں نے جو خط لکھا وہ رد ہوگیا تھا پھر پارلیمانی لیڈر نے خط لکھا تھا۔

عمران خان نے کہا کہ جو ہوا اس سے معاشی بحران مزید بڑھے گا، عوام احتجاج کریں لیکن قانون ہاتھ میں نہ لیں اور پُرامن رہیں۔