منی لانڈرنگ: شہباز شریف، حمزہ شہباز کی گرفتاری طلب

ایف آئی اے نے منی لانڈرنگ کیس میں وزیراعظم شہباز شریف، اور وزیراعلیٰ پنجاب حمزہ شہباز کی عدالت سے گرفتاری طلب کرلی ہے، اس دوران ایف آئی اے سپیشل کورٹ لاہور نے تمام ملزمان کی حاضری مکمل کی جبکہ سپیشل پراسیکیوٹر نے شہباز شریف اور حمزہ شہباز کے خلاف ضمنی چالان جمع کرایا۔

اسٹیبلشمنٹ کا اپنا کھلاڑی عمران فوج پر برہم کیوں ہے؟

وزیراعظم شہباز شریف اور وزیراعلیٰ حمزہ شہباز کے وکیل امجد پرویز نے دلائل دیتے ہوئے کہا کہ ڈیڑھ سال تک تحقیقات کی گئیں، ایف آئی اے کوئی شواہد ریکارڈ پر نہ لا سکی، پچھلے دور میں بدترین سیاسی انجینئرنگ کی گئی، لاہور ہائیکورٹ بھی سیاسی انجینئرنگ کو حقیقت قرار دے چکی ہے، باپ بیٹا جب جیل میں تھے تو ایف آئی اے نے دونوں کو شامل تفتیش کیا، گزشتہ دور میں اپوزیشن لیڈرز کو دبانے کیلئے حکومتی مشینری کو استعمال کیا گیا۔

وکیل کا مزید کہنا تھا کہ حمزہ شہباز کے ذاتی اکاؤنٹس میں کوئی رقم نہیں، حمزہ شہباز پر لگائے گئے الزامات بے بنیاد ہیں کیونکہ تمام ٹرانزیکشنز قانونی اور لین دین کاروباری ہے، منی لانڈرنگ کا مقدمہ گزشتہ دور حکومت میں بدنیتی پر بنایا گیا ہے۔

سماعت کے دوران فاضل جج نے استفسار کیا کہ ایف آئی اے کیا کہتا ہے کہ ان کو ملزمان کی گرفتاری درکار ہے، جس پر ایف آئی اے پراسیکیوٹر نے جواب دیا کہ ابھی ملزمان کا مزید کردار ثابت ہونا ہے اس لیے ملزمان کی گرفتاری درکار ہے، فاروق باجوہ نے مزید کہا کہ سی ایف او عثمان سمیت دو ملزمان شامل تفتیش نہیں ہوئے بعدازاں وزیراعظم شہباز شریف اور حمزہ شہباز عدالت کی اجازت کے بعد واپس روانہ ہوگئے۔

Related Articles

Back to top button