تحریک انصاف اور مسلم لیگ ن نے وزیر اعلیٰ پنجاب کے انتخاب کیلئے ایک دوسرے پر ہارس ٹریڈنگ کے الزامات عائد کیے ہیں۔

مسلم لیگ ن کے صوبائی وزیر داخلہ عطا تارڑ نے پی ٹی آئی کے رہنما فواد چوہدری کی پریس کانفرنس کے جواب میں پریس کانفرنس میں تحریک انصاف کے رہنما چودھری مسعود کا استعفیٰ پیش کرتے ہوئے دعویٰ کیا کہ پنجاب میں استعفوں کا سلسلہ شروع ہو چکا ہے، ابھی ایک استعفیٰ آیا ہے ہو سکتا ہے مزید آجائیں۔

کیا مہوش حیات سرجری سے پہلے ذیادہ خوبصورت تھیں؟

انہوں نے کہاکہ تحریک انصاف نے ایک بارپھررونا دھونا شروع کردیا ہے، فواد چودھری چیخیں ماررہا ہے عطا تارڑ کو گرفتارکرو، لاہوربیٹھا ہوں فواد چودھری گرفتاری کی آوازیں کسی اور جگہ لگائیں، وہ اب تک پانچ جماعتیں تبدیل کر چکے ہیں، فواد چودھری یہ وہ دورنہیں کہ آپ چچا کے نام پرپیسے اٹھائیں،ان کی کمائی میں ایک پیسہ حلال کا نہیں، ڈبو ہر روز اپنا لیڈر تبدیل کرتا ہے، اللہ تعالیٰ کو حاضر ناظر جان کر کہتا ہوں، اگر مسعود مجید کو 40 کروڑ آفر کیا تو اللہ عذاب نازل فرمائے، اللہ جھوٹے پر بھی اپنا قہر اورعذاب نازل فرمائے۔

عطاء تارڑ نے کہا کہ 3 اپریل 2022 کو چودھری مسعود نے تحریک انصاف سے نالاں ہو کر استعفی دیا۔ استعفے کے بعد ان پر رشوت کا الزام لگایا جا رہا ہے، قرآن پر حلف لیکر کہتا ہوں چودھری مسعود کو پیسے نہیں دیئے، فواد چودھری بھی قرآن پرحلف دیں، ان کو 188ووٹ چاہئیں جوان کے پاس موجود ہیں، ہمارے پاس 7 ووٹوں کا فرق ہے، ہم نے تو جلیل شرقپوری کو کروڑوں دینے کا نہیں کہا، ابھی ایک استعفی آیا ہے ہو سکتا ہے اس کے بعد مزید استعفے آجائیں۔

صوبائی وزیر داخلہ نے مولانا الیاس چنیوٹی کو پرویزالہیٰ کے صاحبزادے نے حج کے فریضے کے دوران 10 کروڑ رشوت دے کربھیجا، مونس الہیٰ آج بھی پرائیویٹ طیارے پر اسلام آباد میں منت ترلے کر رہا ہے، حج کی ادائیگی کے دوران رشوت دینا مکروہ عمل ہے، پرویزالہیٰ بھی عمران خان کی طرح اسلامی ٹچ دینا چاہتے ہیں۔ فیصل آباد سے بزرگ خاتون ایم پی اے کے گھر دو لوگوں کو رشوت دے کر بھیجا گیا، فیصل آباد کی خاتون ایم پی ایز کی فیملی نے ان کو گالیاں دے کربھیجا، پرویزالہیٰ صاحب بس کریں اور کتنا آگے جائیں گے، جیل میں بند تو پرویزالہیٰ کے بیٹے کو کرنا چاہیے، فواد چودھری صاحب میں تو جہلم آکر بھی بیٹھوں گا روکنا ہوگا توروکیے گا۔

انہوں نے کہا اب عدالت میں جا کر توہین عدالت کی درخواستیں دے رہے ہیں، جب زبردستی استعفے لیتے ہیں تب توہین عدالت نہیں ہوتی، پنکی، عمران خان پاکستان کو لوٹ کر کھا گئے، آج تک یہ نہیں بتا سکے ’ابسولیٹلی ناٹ‘ کس کوکہا تھا، فتنہ خان پر شیاطین اترتے ہیں،:’ابسولیٹلی ناٹ‘فارن فنڈنگ نہ لینے پرکہنا چاہیے تھا۔

عطا تارڑ کا کہنا تھا سیاست میں کچھ بھی ہوسکتا ہے، سرپرائزبالکل آسکتے ہیں، ہارجیت اللہ کے ہاتھ میں ہے زورپورا لگائیں گے، ان کے تمام الزامات کومسترد کرتے ہیں، استعفوں کا سلسلہ شروع ہوچکا مزید اپ ڈیٹ رکھیں گے۔ شہباز گل ایک دن بھی جیل میں گزار نہیں سکا، اور روتا رہا۔

دریں اثنا لاہور میں پریس کانفرنس سے خطاب کرتے ہوئے تحریک انصاف کے رہنما و سابق وقاقی وزیر اطلاعات فواد چوہدری نے اپنی ہی پارٹی کے ممبر پنجاب اسمبلی پر 40 کروڑ لیکر ترکی جانے کا الزام عائد کر دیا۔ انہوں نےالزام لگایا کہ رحیم یار خان سے ہمارے ایم پی اے مسعود مجید مبینہ طور پر 40 کروڑ روپے لے چکے ہیں اور ترکی پہنچ چکے ہیں، انہوں نے مطالبہ کیا کہ آصف زرداری ، رانا ثنا اللہ اور عطا تارڑ کو گرفتار کیاجائے.

انہوں نے کہا پنجاب میں ایک انتخاب پراثر انداز ہونے کے لیے شیطانی کھیل شروع کیا گیا ہے ، ملک کا وزیرداخلہ کہہ رہا ہے کہ 5، 6 ارکان ادھر ادھر ہوسکتے ہیں، پنڈی کی نشست پر ری کاؤنٹنگ کا آرڈر دیاگیا ہے۔

ا نکا کہناتھا عطا تارڑ نے ہمارے ایم پی اے سے رابطہ کیا ہے، اندازہ لگائیں کہ 35 ،35 کروڑ روپے ایم پی اے کو دے رہے ہیں، اگر اس طرح سے ارکان کو خریدا جاتا رہا تو پاکستان میں جمہوریت کا کوئی مستقبل نہیں،یہ کسی کو دبئی تو کسی کو ترکی میں ہوٹل بک کرکے دے رہے ہیں۔

فواد چوہدی کا کہنا تھاکہ ضمنی انتخابات میں ن لیگ اوران کے 12 اتحادیوں کی شکست فاش ہوئی،پنجاب کے عوام کا فیصلہ ہے کہ تخت لاہور تحریک انصاف کا حق ہے، کورکمیٹی نے وزیراعلیٰ پنجاب کیلئے پرویز الٰہی کو نامزد کیا ہے۔

خیال رہے کہ سپریم کورٹ آف پاکستان کے حکم پر 22 جولائی کو وزیراعلیٰ پنجاب کا انتخاب ہوگا اور پی ٹی آئی کی جانب سے پرویز الٰہی اور ن لیگ کے حمزہ شہباز وزارت اعلیٰ کے امیدوارہیں۔