سردار تنویر الیاس بلا مقابلہ وزیراعظم آزادکشمیر منتخب
پی ٹی آئی رہنما سردار تنویر الیاس کو بلا مقابلہ آزاد کشمیر کا وزیراعظم منتخب کر لیا گیا ہے، وزیراعظم منتخب کرنے کیلئے ووٹنگ ڈیڑھ بجے دن ہونا تھی لیکن اپوزیشن کی جانب سے اجلاس کے بائیکاٹ کی وجہ سے سردار تنویر کے مقابل کوئی امیدوار نہیں تھا۔
سردار تنویر الیاس کے کاغذات نامزدگی کو سیکرٹری اسمبلی کی جانب سے درست قرار دیا گیا تھا اور اس طرح سردار تنویر الیاس بلا مقابلہ آزاد کشمیر کے وزیراعظم منتخب ہوئے۔
دوسری جانب اپوزیشن اراکین جب اسمبلی سے باہر نکلے تو پی ٹی آئی کارکنوں نے احتجاج کیا، اس دوران کارکنوں نے شدید نعرے بازی کی جس میں گالم گلوچ اور تلخ جملوں کا استعمال کیا گیا، پی ٹی آئی اراکین کے احتجاج کے بعد متحدہ اپوزیشن کے ارکان واپس اسمبلی عمارت میں داخل ہوگئے، سپیکر سے اس صورتحال کا نوٹس لینے کا مطالبہ کیا۔
آزاد کشمیر کے نئے وزیر اعظم کا انتخاب کل ہوگا
یاد رہے کہ سابق وزیراعظم آزاد کشمیر سردار عبدالقیوم نیازی کے خلاف تحریک عدم اعتماد جمع کرائی گئی تھی جس پر انہوں نے پہلے پانچ وزرا کو برطرف کیا جس کے بعد وہ خود بھی عہدے سے مستعفی ہوگئے۔
