اگر ہم غدار ہیں تو آرمی چیف ثبوت سامنے لائیں
صدر ن لیگ اور اپوزیشن رہنما شہباز شریف نے کہا ہے کہ اگر ہم غدار ہیں تو آرمی چیف جنرل قمر جاوید باجوہ اور ڈی جی آئی ایس آئی اس حوالے سے ثبوت سامنے لائیں، شہباز شریف نے عدالت عظمیٰ کے باہر میڈیا سے گفتگو کے دوران کہا کہ ہم نے یہ جرم نہیں کیا ہم میں سے کسی نے جرم نہیں کیا ،کسی خارجہ طاقت کو دعوت نہیں دی، اس معاملے کا اب دودھ کا دودھ پانی کا پانی ہونا چاہئے۔
اپوزیشن رہنما کے مطابق آرمی چیف جنرل باجوہ اور ڈی جی آئی ایس آئی سے مطالبہ کرتا ہوں اگر ہم نے غداری کی ہے تو ثبوت قوم کے سامنے لائیں، کبھی اتنے صاف الفاظ میں بات نہیں کی، اب عدالت سے بھی ملتمس ہوں، اپنے وکلا کے ذریعے یہ مطالبہ رکھیں گے کہ اس بات کا جائزہ لیں۔
صدرکا نگران وزیراعظم کا نام تجویز کرنے کیلئے شہبازشریف کوخط
شہباز شریف کے مطابق ہم نے ساڑھے تین سال یہ مطالبہ کیا کہ یہ حکومت جعلی اور وزیراعظم بھی جعلی ہے، ہم نے جب آئینی و قانونی طور پرعدم اعتماد کی تحریک پیش کی تو اس کے بعد غداری کے نعرے لگ گئے، وقت آ گیا کہ فوج کے سپہ سالار جن کی بے شمار قربانیاں ہیں وہ آج اس بات کا عندیہ دیں کہ کیا قومی سلامتی کمیٹی میں جومنٹس پاس ہوئے جس میں بین الاقوامی سازش اور اپوزیشن کا رول ہے تو اسے سامنے لائیں۔
انہوں نے کہا کہ نگراں سیٹ اپ کے لیے عارف علوی کا کوئی خط نہیں ملا، عارف علوی اور عمران نیازی آئین شکنی کے مرتکب ہیں، پہلے اس کا فیصلہ ہوگا باقی باتیں بعد میں ہوں گی۔
