عمر امین گنڈا پور کی نااہلی کا فیصلہ عدالت میں چیلنج
تحریک انصاف کے رہنما عمر امین گنڈاپور نے الیکشن کمیشن کی جانب سے نااہلی کے فیصلے کو عدالت میں چیلنج کر دیا ہے۔ عمرامین گنڈاپورکی جانب سے فیصلے کو اسلام آباد ہائیکورٹ میں چیلنج کیا گیا جبکہ ان کی طرف سے سینئر قانون دان بیرسٹر علی ظفر نے درخواست جمع کرائی۔
عمر امین نے اسلام آباد ہائیکورٹ میں الیکشن کمیشن کافیصلہ کالعدم قرار دینےکے ساتھ فیصلےکی معطلی کی متفرق درخواست بھی دائر کی ہے جس میں درخواست کو فوری سماعت کے لیے مقرر کرنے کی استدعا کی گئی ہے۔
سینیٹ اجلاس میں اپوزشین کا شور شرابا، واک آئوٹ
درخواست میں الیکشن کمیشن، چیف الیکشن کمشنر، ریجنل الیکشن کمشنر اور سینیٹر کامران مرتضیٰ کو بھی فریق بناتے ہوئے کہا گیا ہےکہ الیکشن کمیشن شفافیت کے تقاضے پورے کرنے میں ناکام رہا، قانون کے مطابق شک کا فائدہ امیدوار کو ملنا چاہیے تھا، سمری انکوائری کے بغیر ضابطہ اخلاق کی خلاف ورزی کا مرتکب قرار نہیں دیا جاسکتا ہے۔ تاہم الیکشن کمیشن نے وفاقی وزیر علی امین گنڈا پور کے بھائی عمر امین گنڈا پور کو ڈیرہ اسمعٰیل خان کے سٹی میئر کے الیکشن کے لیے نااہل قرار دیا ہے۔
