محسن بیگ کیخلاف مقدمہ درج کرنیوالوںکو جیل جانا پڑ سکتا ہے
سندھ ہائیکورٹ نے محسن بیگ کی کراچی کے مقدمے میں ضمانت منظور کر لی، عدالت نے محسن بیگ کو ایک لاکھ روپے کے مچلکے جمع کرانے کی ہدایت کی تھی۔
ایف آئی اے نے محسن بیگ پر رشوت لینے کی خبر پر مقدمہ درج کیا تھا ،سندھ ہائیکورٹ نے اٹارنی جنرل کو آئندہ سما عت پر طلب کر لیا۔ایف آئی اے نے تحریری جواب سندھ ہائی کورٹ میں جمع کر ا دیا اور محسن بیگ کی منی لانڈرنگ کے الزامات میں گرفتاری ڈال دی۔
اسسٹنٹ اٹارنی جنرل نے عدالت کو بتایا کہ محسن بیگ کو کراچی میں درج مقدمے میں بھی گرفتار کر لیا گیا ہے، ان کے خلاف سیشن عدالت میں عبوری چالان بھی جمع کرا دیا ہے۔عدالت نے آئندہ سماعت پر اٹارنی جنرل پاکستان کو ذاتی حیثیت میں طلب کر لیا۔
سندھ ہائی کورٹ نے کہا کہ ابھی ہم مقدمہ ختم نہیں کر رہے ، بدنیتی ثابت ہوئی تو کارروائی کریں گے۔عدالتِ عالیہ کے جسٹس محمد اقبال کلہوڑو نے کہا کہ صحافی کے خلاف مقدمہ درج کرنے پر عدالت کو بھی تحفظات ہیں، مقدمہ درج کرنے والوں کو جیل بھی جانا پڑ سکتا ہے۔
