اسموگ: لاہور اور ملتان میں ہفتے میں تین دن مکمل لاک ڈاؤن کا اعلان
حکومت پنجاب نے اسموگ کی صورت حال کے باعث لاہور اور ملتان میں ہفتے میں دن مکمل لاک ڈاؤن کا اعلان کر دیا۔
سینیر وزیر پنجاب مریم اورنگزیب کا کہنا ہے کہ ایک ہفتے کےلیے لاہور اور ملتان میں جمعہ،ہفتہ اور اتوار کو لاک ڈاؤن ہو گا۔آئندہ بدھ کو لاک ڈاؤن پر نظر ثانی کی جائے گی۔
صوبائی وزیر مریم اورنگزیب نے کہاکہ اسموگ کی بگڑتی صورت حال پر لاہور اور ملتان میں ہیلتھ ایمرجنسی کا اعلان کرتی ہوں،لاہور اور ملتان میں جمعہ، ہفتہ اور اتوار مکمل لاک ڈاؤن ہوگا،دونوں شہروں میں ہفتےسے اگلے اتوار تک تعمیرات پر پابندی لگارہے ہیں۔
انہوں نےکہا کہ ہیلتھ ڈیسک اور اسپتالوں میں اسٹاف کی چھٹیاں منسوخ کر دی گئی ہیں،
محکموں کو ادویات وافر کرنےکی ہدایت کی جب کہ شہری موٹر سائیکل پر ایمرجنسی کےسوا باہر نہ نکلیں اور ماسک کا استعمال کریں۔
انہوں نے مزید کہاکہ بدھ تک ڈیٹا دیکھیں گے، اسموگ ہیلتھ کرائسس میں تبدیل ہوچکاہے،
پنجاب حکومت اسموگ کی روک تھام کےلیے ہر ممکن اقدام کر رہی ہے اور اسموگ کی روک تھام کےلیے 10 سال کی پالیسی دےدی ہے۔
مریم اورنگزیب کاکہنا تھاکہ حکومت کے مختلف محکمے اسموگ کی روک تھام کےلیے دن رات کام کر رہے ہیں،
زگ زیگ ٹیکنالوجی پر نہ آنےوالے بھٹے مسمار کیے جا رہے ہیں تاہم اسموگ پر قابو پانا ایک لانگ ٹرم پراسیس ہے،اس پر قابو پانے کےلیے تین 3 ماہ کے ہنگامی اقدامات کیے جارہے ہیں۔
اسموگ : زرعی زمین پر ہاؤسنگ سوسائٹیاں،لاہورہائیکورٹ کا بڑا فیصل
صوبائی وزیر نےکہا کہ اسموگ کے باعث اسکول مزید ایک ہفتےتک بند رہیں گے،
کالجز اور یونیورسٹیز میں آن لائن کلاسز ہوں گی،ریسٹورینٹس کو شام 4 بجے تک کا وقت دیا ہےتاہم ریسٹورینٹس سے کھانا لےجانے کی اجازت رات 8 بجے تک ہو گی۔
