سپریم کورٹ : عمران خان کی ضمانت کی اپیلوں پر پنجاب حکومت کو نوٹس جاری
سپریم کورٹ نے 9 مئی کے مقدمات میں عمران خان کی ضمانت کی 8 اپیلوں پر پنجاب حکومت اور پراسکیوشن ڈیپارٹمنٹ کو نوٹس جاری کرتے ہوئے کیس کی سماعت 19 اگست تک ملتوی کردی۔
چیف جسٹس یحییٰ آفریدی کی سربراہی میں تین رکنی بینچ نے 9 مئی کے مقدمات میں عمران خان کی 8 اپیلوں پر سماعت کی۔
دوران سماعت چیف جسٹس یحییٰ آفریدی نے کہاکہ ضمانت کی درخواست میں فائنڈنگ دی گئی ہیں،ضمانت کے فیصلے میں فائنڈنگ ٹھیک ہےیا نہیں،اس کو فی الحال ٹچ نہیں کرنا اور فی الحال ابھی ہم قانونی معاملات میں نہیں جائیں گے۔
چیف جسٹس نے کہاکہ ابھی قانونی فائنڈنگ کو ٹچ کیا تو کسی ایک کےلیے کیس متاثر ہو سکتا ہے،آج فریقین کو نوٹسز جاری کر رہے ہیں۔
جسٹس یحییٰ آفریدی نے سوال کیاکہ کیا ضمانت کیس میں حتمی آبزرویشنز دی جاسکتی ہیں؟دونوں سائیڈ کے وکلا قانونی سوالات پر معاونت کریں اور وکلا آئندہ سماعت تک لیگل ایشوز پر تیاری کرلیں۔
نو مئی مقدمات : سزا یافتہ پی ٹی آئی رہنماؤں کی جائیدادیں ضبط کرنے کا حکم
بعد ازاں عدالت عظمیٰ نے ضمانت کی 8 اپیلوں پر پنجاب حکومت اور پراسکیوشن ڈیپارٹمنٹ کو نوٹس جاری کرتےہوئے کیس کی مزید سماعت 19 اگست تک ملتوی کر دی۔
