9 مئی اور 26 نومبر کی بغاوتوں کا احتساب نہ کیا تو دروازہ کھل جائے گا : خواجہ آصف
وزیر دفاع خواجہ آصف کا کہنا ہے کہ 9 مئی اور 26 نومبر کو بغاوتیں کی گئیں، ان کا احتساب نہ ہوا تو مستقبل کےلیے ایک دروازہ کھل جائے گا۔
سینئر رہنما مسلم لیگ ن خواجہ آصف نے کہاکہ اس حوالے سے احتساب کا فریم ورک تیار ہےاور اسے مزید بہتر بھی کرلیا جائےگا۔
خواجہ آصف کا کہنا تھاکہ عمران خان کو کیا تحقیقات کرانی ہے؟ تمام ثبوت اور اعترافات تو موجود ہیں۔
ان کاکہنا تھاکہ سپریم کورٹ کے سینیئر ججز کا ذکر کر کے عمران خان وہی عدالتی سرپرستی چاہتےہیں جو انہیں 9 مئی کےبعد ملی تھی اور جانبدار عدلیہ ان کی پشت پر کھڑی تھی ورنہ 9 مئی کا قصہ بہت پہلے تمام ہوچکا ہوتا۔
گنڈاپور حکومت کی انتہا پسند سیاست کا خمیازہ صوبے کے عوام بھگت رہے ہیں : بلاول بھٹو
انہوں نےکہا کہ سینیئر ترین ججز وہی ہیں جنہیں حال ہی میں ایک شکایت ہوئی ہے اور انہوں نے خط لکھاہے۔
خواجہ آصف نے چیلنج دیتے ہوئے کہا کہ عمران خان ترسیلات زر روکنےکی کال دینا چاہتے ہیں،ضرور دیں یہ ناکام ہو گی۔
