سیہون حادثے پر پنجاب حکومت نے سیاست کرنے کی کوشش کی : شرجیل میمن

سینئر وزیر سندھ شرجیل میمن کا کہنا ہے کہ پنجاب کی وزیر اطلاعات جب شعلہ بیانی کرتی ہیں تو یہ سمجھ لیں کہ جواب بھی آئے گا،سیہون حادثے پر پنجاب حکومت نے سیاست کرنےکی کوشش کی،وفاق میں سب سے زیادہ حکومت مسلم لیگ ن کی رہی ہے،اگر روڈز مکمل نہیں ہوئےتو یہ ن لیگ کی وفاقی حکومت کی نااہلی ہے۔

وزیر اطلاعات سندھ شرجیل میمن نے سیہون روڈ پر انسانی جانوں کے ضیاع کا ذکر کرتےہوئے کہاکہ سندھ حکومت نے اس روڈ کےلیے 7 ارب روپے دیےتھے لیکن اب تک اس پر کوئی کام نہیں ہوا۔انہوں نے الزام عائد کیاکہ ن لیگ کی نا اہلی کی وجہ سے قومی شاہراہوں پر حادثات پیش آرہے ہیں۔

شرجیل میمن کاکہنا تھاکہ وفاق میں سب سے زیادہ حکومت مسلم لیگ ن کی رہی ہے اور اگر روڈز مکمل نہیں ہوئےتو یہ ان کی وفاقی حکومت کی نا اہلی ہے۔

شرجیل میمن نے وزیر اطلاعات پنجاب عظمیٰ بخاری کو تنقید کا نشانہ بناتے ہوئے کہاکہ جب وہ شعلہ بیانی کرتی ہیں تو ان کےجواب میں صرف سچ بولا جائےگا، جھوٹ کا سہارا نہیں لیا جائےگا۔

شرجیل میمن نےکہا کہ پیپلز پارٹی کا سندھ میں حقیقی مینڈیٹ ہےاور عوام نے ہمیشہ پیپلز پارٹی کی حکومتی کارکردگی کو سراہاہے۔

انہوں نے کہاکہ پی ٹی آئی کی سیاست میں ملک کو نقصان پہنچانےکی کوششیں شامل ہیں اور آئی ایم ایف سے مذاکرات کےدوران پی ٹی آئی کی طرف سے اس کا آغاز کیاگیا تھا۔

وزیر اطلاعات سندھ نےکہا کہ بلاول بھٹو نے ہمیشہ پاکستان کےمفاد میں فیصلے کیےہیں اور 9 مئی کا انتشار عمران خان کی سازش تھی۔انہوں نے خیبرپختونخوا کی حکومت پر تنقید کرتےہوئے کہاکہ وہاں ڈر اور خوف کا ماحول ہے، اور 5 بجے کےبعد لوگ گھروں سے باہر نہیں نکلتے۔

انہوں نے یہ بھی کہاکہ پی ٹی آئی کی حکومت کی 15 سالہ کارکردگی کے باوجود خیبرپختونخوا کے لوگ ملازمتوں کےلیے سندھ آتے ہیں اور یہ اس بات کا ثبوت ہے کہ وہاں عوام کو ریلیف نہیں ملا۔

آئینہ انکو دکھایا تو برا مان گئے، عظمیٰ بخاری کا شرجیل میمن کی پریس کانفرنس پر ردعمل

شرجیل میمن نے اس بات کا بھی عندیہ دیاکہ پیپلز پارٹی نے کبھی بلیک میلنگ کی سیاست نہیں کی اور نہ ہی ن لیگ کاساتھ شوق میں دیا بلکہ جمہوریت اور پارلیمنٹ کےحق میں غیر مشروط حمایت کی۔انہوں نے کہاکہ سندھ نے ہمیشہ ن لیگ اور پی ٹی آئی کو مسترد کیاہے۔