مذاکرات کا اس وقت کوئی چانس نہیں : بیرسٹر علی ظفر

رہنما پی ٹی آئی بیرسٹر علی ظفر کا کہنا ہے کہ مذاکرات اس وقت ختم ہیں، مذاکرات کا اس وقت کوئی چانس نہیں۔
پارلیمنٹ میں گفتگو کرتے ہوئے رہنما پی ٹی آئی بیرسٹر علی ظفر نے کہاکہ اس میں قصوروار حکومت ہے،پہلے انہوں نے تحریری طور پر ہم سے ڈیمانڈز مانگیں۔
بیرسٹر علی ظفر کا کہناتھا کہ پھر ان کے لیڈران نے پریس کانفرنس کردی کہ یہ بات ماننےوالی نہیں ہے، اگر ان کےپاس کوئی حل ہےتو وہ ہمیں تحریری طور پر دیں۔
پی ٹی آئی کے رہنما بیرسٹر علی ظفر نے کہاکہ آپ نے بل پر کسی کو بات کرنےکی اجازت نہیں دی، آپ اپوزیشن کو اہمیت نہیں دیتے۔
یاد رہے کہ آج مذکرات کا چوتھا دور ہونا تھا لیکن پی ٹی آئی کی مذاکراتی ٹیم کے نہ آنے پر اسپیکر قومی اسمبلی سردار ایاز صادق نے مذاکراتی کمیٹی کا اجلاس ملتوی کر دیا تاہم کمیٹی کو برقرار رکھنے کا فیصلہ کیاگیا ہے۔
حکومتی کمیٹی کے ہمراہ پریس کانفرنس کرتےہوئے اسپیکر قومی اسمبلی سردار ایاز صادق کا کہنا تھا کہ میں نے پی ٹی آئی سے رابطہ کیا ہے،انہوں نے کہا ہےکہ ہم اپنی اعلیٰ قیادت سے رابطہ کرکے بتائیں گے،ہم اپنا اجلاس کریں گے اس میں دیکھتےہیں کیا ہوتا ہے۔
سردار ایاز صادق نے کہاکہ توقع تھی کہ آج اپوزیشن کے دوست تشریف لائیں گے، آج 45 منٹ انتظار کیا،میسج بھی کیا،وہ نہیں آئے، مذاکرات ہی واحد راستہ ہے جس پر آگےبڑھ سکتے ہیں۔
ایاز صادق کاکہنا تھاکہ ان کی غیر موجودگی کی وجہ سے مذاکرات آگےنہیں چل سکے، اپوزیشن سے درخواست کرتا ہوں مذاکرات کا راستہ نکالا جائے۔
اسپیکر قومی اسمبلی نےکہا کہ گزشتہ اجلاس میں فیصلہ ہوا تھاکہ 7 ورکنگ دنوں میں دوبارہ اجلاس ہوگا،آج 7 دن پورے ہوگئے،اس متعلق ہم نے سب کو اجلاس کی دعوت دی۔
26 ویں آئینی ترمیم فقط ایک خط کی بنیاد پر کی گئی ہے: جسٹس محسن اختر
ان کاکہنا تھاکہ 3 ملاقاتیں کیں لیکن ان کی غیرموجودگی کی وجہ سے مذاکرات آگے نہیں چل سکتے، اب مذاکرات کو آگے نہیں بڑھایا جاسکتا۔