سندھ کا پانی کم کرنے کی بات میں کوئی صداقت نہیں : احسن اقبال
وفاقی وزیر برائے منصوبہ بندی احسن اقبال نے کہا ہےکہ سندھ کا پانی کم کرنےکی بات میں کوئی صداقت نہیں، وزیر اعظم نے پیپلز پارٹی کو یقین دہانی کرائی ہے کہ سندھ کے مفاد کے خلاف کوئی فیصلہ نہیں کیا جائے گا۔
مرکزی رہنما مسلم لیگ ن احسن اقبال کاکہنا تھاکہ مجموعی طور پر پانی کی کمی کا اثر تمام صوبوں پر پڑ رہا ہے،پیپلز پارٹی اس لیے یہ مسئلہ اٹھارہی ہے کہ اس کے صوبے میں اس مسئلے کو بےجا اٹھایا جارہا ہے۔
احسن اقبال کاکہنا تھاکہ وزیر اعظم نے پیپلز پارٹی کو یقین دہانی کرائی ہے کہ سندھ کے مفاد کے خلاف کوئی فیصلہ نہیں کیا جائے گا۔
لیگی رہنما کا کہنا ہے کہ مین اسٹریم سے باہر ناکام سیاست دان اپنی سیاست چمکانے کےلیے اس معاملے کو ہوا دےرہے ہیں
انہوں نے مزید کہاکہ پاکستان کے حوالے سے منفی رپورٹس کے پیچھے پی ٹی آئی کی ایک گہری اور منظم مہم ہے،دہشت گردی کی واپسی بھی پی ٹی آئی کا تحفہ ہے جو ٹی ٹی پی کو واپس لےکر آئی۔
پیپلزپارٹی کے تحفظات دورکئےجائیں گی،وزیراعظم کی بلاول بھٹو کویقین دہانی
دوسری جانب وزیر اعظم شہباز شریف نے چیئرمین پیپلز پارٹی بلاول بھٹو زرداری کو ملاقات میں دریائے سندھ سے نہریں نکالنے کا معاملہ خوش اسلوبی سے حل کرنے کی یقین دہانی کرائی ہے۔
وزیر اعظم کی جانب سے بلاول بھٹو اور وفد کے اعزاز افطار ڈنر کا اہتمام کیاگیا۔
ذرائع کےمطابق افطار ڈنر کے موقع پر تمام مسائل پر تبادلہ خیال کیاگیا اور اس بات پر اتفاق کیاگیا کہ بقیہ مسائل کو باہمی مشاورت سے حل کیاجائے۔
