سانحہ 9 مئی : تین پی ٹی آئی رہنما وعدہ معاف گواہ بننے سے منحرف ہوگئے
سانحہ 9 مئی کے کیس میں وعدہ معاف گواہ بنائےجانے والے پی ٹی آئی کے تین رہنماء اپنے بیان سے منحرف ہو گئے۔
پولیس کی جانب سے وعدہ معاف گواہ بنائےگئے تین پی ٹی آئی رہنما صداقت عباسی، واثق قیوم،عمر تنویر بٹ باضابطہ طور پر پی ٹی آئی کے خلاف اپنے بیان سے منحرف ہوگئے۔
راولپنڈی کی عدالت میں سانحہ 9 مئی کےکیسز کی سماعت ہوئی۔
پی ٹی آئی کے تینوں رہنماؤں نے عدالت میں اقبال جرم کے بیان سےانکار کی درخواستیں دائر کی تھیں۔
پولیس کی تمام تفتیشی ٹیموں نےتینوں کا نام وعدہ معاف گواہان کی فہرست سے خارج کر کے ملزمان کی لسٹ میں شامل کردیا۔
ملزمان کےوکیل ڈاکٹر بابر اعوان نے کہاکہ پولیس کیسز وعدہ معاف گواہان کے بیانات پر کھڑےتھے لیکن یہ عمارت اب زمین بوس ہو گئی۔
عدالت نے وزیر اعلی خیبرپختونخوا علی امین گنڈاپور،زین قریشی، شبلی فراز،زرتاج گل سمیت 24 ملزمان کی حاضری معافی کی درخواستیں منظور کرتےہوئے سماعت 2 دسمبر تک ملتوی کر دی۔
پولیس تفتیشی ٹیموں نے عمران خان،شاہ محمود قریشی، شبلی فراز، عمر ایوب کےخلاف تمام مقدمات کے اضافی چالان عدالت میں جمع کرا دیے۔
24 نومبر احتجاج : کارکردگی دکھانے کی بنیاد پر ہی الیکشن میں پارٹی ٹکٹ ملے گا، بشریٰ بی بی
واضح رہےکہ ان مقدمات میں پی ٹی آئی کے368 کارکن بطور ملزمان نامزد ہیں۔
