مسلم لیگ ن کا ملک بھر میں احتجاجی ریلیاں نکالنے کا اعلان

لاہور:مسلم لیگ ن کے احتجاج کا دائرہ کار وسیع کرنے کا اعلان مسلم لیگ ن کی نائب صدر مریم نواز نے کیا۔ٹوئٹر پر جاری اپنے پیغام میں مریم نواز کا کہنا ہے کہ ملک بھر میں احتجاجی ریلیاں نکالنے کا فیصلہ کیا گیا ہے،

احتجاجی ریلیوں کی قیادت وہ  خود کریں گی۔انھوں نے مزید کہا کہ  ریلیوں میں نواز شریف کی رہائی اور ملک میں قانون کی عملداری کا معاملہ اٹھاؤں گی، آزادی اظہار، عوامی نمائندوں کو سزا دلوانے کے ہتھکنڈوں اور سسٹم کو سبوتاژ کرنےکے خلاف آواز بلند کروں گی۔

مریم نواز کا کہنا تھا عوامی مینڈنٹ کی چوری اور سلیکٹڈ کو مسلط کرنے پر بھی احتجاج ہوگا۔