اڑان پاکستان منصوبہ پاکستان کو آئی ایم ایف سے نجات دلا دے گا : وفاقی وزرا

وفاقی وزرا نے ’اڑان پاکستان‘ منصوبے کو ملکی ترقی کےلیے ناگزیر قرار دیتےہوئے کہاکہ ملک میں میکرو اکنامک اسٹیبلیٹی آچکی ہے، جسے پائیدار ترقی کی جانب لےکر جانا ہوگا۔ اڑان پاکستان منصوبہ پاکستان کو آئی ایم ایف سے نجات دلا دے گا۔

وفاقی وزیر برائے منصوبہ بندی احسن اقبال نے لاہور میں تقریب سے خطاب کرتےہوئے کہاکہ اس منصوبے ’اڑان پاکستان ہوم گرون نیشنل اکنامک پلان 29-2024‘ سے ملک میں معاشی ترقی کے حصول میں مدد ملےگی۔

احسن اقبال نے پائیدار ترقی کے اہداف کے حصول کےلیے برآمدات کے فروغ ’ای کامرس‘ انسانی وسائل کی ترقی’ زرعی شعبے میں جدت اور توانائی کے نظام کو مؤثر بنانے پر زور دیا۔

وزیر برائے منصوبہ بندی احسن اقبال نے ملک میں پائیدار ترقی کےلیے امن’سیاسی استحکام اور پالیسیوں کے تسلسل کی اہمیت پر زور دیتےہوئے کہاکہ پاکستان کو مستقل بنیادوں پرترقی دینے کےلیے دن رات کوشاں ہیں،پاکستان کو سیاسی انتشار لانگ مارچ نہیں معیشت مارچ کی ضرورت ہے۔

وفاقی وزیر خزانہ محمد اورنگزیب کا کہنا ہےکہ اڑان پاکستان منصوبہ آئندہ دو سے 3 سال میں پاکستان کو عالمی مالیاتی فنڈ (آئی ایم ایف) سے نجات دلا دےگا۔

اڑان پاکستان پروگرام کے آغاز پر جاری کیے گئے پیغام میں وفاقی وزیر خزانہ محمد اورنگزیب نے کہاکہ معیشت مستحکم ہوچکی،اب نجی شعبےکو معاملات چلانا ہوں گے۔

وزیر خزانہ محمد اورنگزیب نے کہاکہ پروگرام کےتحت ہماری گروتھ ریٹ برآمدات پر مبنی ہوگی،نجی شعبے کو بھی فرنٹ سےلیڈ کرنا ہوگا،ترقی کےلیے اڑان پاکستان ہوم گرون نیشنل اکنامک پلان ناگزیر ہے۔انہوں نے باور کرایا ملک میں میکرو اکنامک اسٹیبلیٹی آچکی ہے،جسے پائیدار ترقی کی جانب لےکر جانا ہوگا۔

اڑان پاکستان ۔ ہوم گرون نیشنل اکنامک پلان 29-2024 کے حوالے سےخصوصی گفتگو کرتےہوئے وفاقی وزیر اطلاعات نے کہاکہ ’اڑان پاکستان‘ میڈ ان پاکستان معاشی اصلاحات کا ایجنڈا ہے،ملک ڈیفالٹ سے استحکام کی طرف آیا ہےاور اب استحکام سے ترقی کی جانب بڑھ رہا ہے۔

وفاقی وزیر اطلاعات عطا تارڑ نےکہا اس ایجنڈے کے تحت معاشی ترقی کا سفر طے کیاجائے گا

انہوں نےکہاکہ وزیر اعظم شہباز شریف آج ہوم گرون اکنامک ایجنڈے کا اعلان کرنے جا رہے ہیں،معاشی اصلاحات کے ایجنڈے میں پاکستان کے عوام کےلیے خوش خبریاں ہوں گی۔

ان کاکہنا تھاکہ الحمد اللہ پاکستان کے تمام معاشی اشاریے بہتر ہوئے ہیں،ہوم گرون معاشی اصلاحات کا ایجنڈا اہم اقدام ہے جو پاکستان اور پاکستان کے عوام کی ترقی کےلیے ہے۔

مسلم لیگ(ن) کےرہنما سینیٹر طلال چوہدری نے کہاکہ پائیدار ترقی کےلیے سیاسی استحکام ناگزیر ہے،مضبوط معیشت ہی مضبوط پاکستان بناسکتی ہے جس کےلیے ہم سب کو مل کر کام کرنا ہو گا۔

سینیٹر طلال چوہدری نے کہاکہ مضبوط معیشت عوام کے گھروں کی خوش حالی سے جڑی ہے،جب ہر ایک کا چولہا جلے گا اور ہر گھر میں خوش حالی ہوگی تو معیشت مضبوط ہوگی۔اس کےلیے ہمیں سیاسی استحکام اور دہشت گردی کا خاتمہ چاہیے۔

طلال چوہدری کاکہنا تھاکہ 2013 میں بھی ملک کو اسی طرح کے مسائل درپیش تھے، ڈیفالٹ اور مہنگائی کی باتیں ہوتی تھیں، روپیہ کمزور تھا لیکن 4 سے 5 سالوں میں نواز شریف نے ملک کی معیشت کو سنبھالا دیا۔

رہنما مسلم لیگ ن سینیٹر طلال چوہدری نے کہاکہ مہنگائی کم ترین سطح پر آئی، اسٹاک ایکس چینج مضبوط ہوا،روپے کی قدر مستحکم ہوئی،شرح سود کم ترین سطح پر آ گئی لیکن اس کے بعد سیاسی عدم استحکام کے نتیجے میں ملک میں دہشت گردی لوٹ کر آئی۔

لیگی رہنما نے مزید کہاکہ موجودہ حکومت نے کچھ مسائل پر تو قابو پالیا ہے، اب ڈیفالٹ کی بات نہیں ہوتی، اسٹاک ایکسچینج مضبوط ہوا ہے لیکن اب بھی ملک میں بہت سارے مسائل ہیں۔

وزیرداخلہ محسن نقوی کی ڈیرہ اسماعیل خان چیک پوسٹ پر دہشت گرد حملے کی مذمت

وزیر مملکت خزانہ علی پرویز ملک نے بھی سیاسی عدم استحکام کو معیشت کی راہ میں رکاوٹ قراردیا۔ انہوں نے معیشت کے استحکام کےلیے سیاسی استحکام کو لازمی قرار دیا۔

مسلم لیگ ن کےچیف وہپ طارق فضل چوہدری کاکہنا تھاکہ 2025 میں پاکستان ان شاءاللہ ٹیک آف کر جائےگا، 5 سالہ منصوبے میں شاندار مستقبل پوشیدہ ہے،پاکستان ان خوابوں کی تعبیر ہو گا جو خواب قائداعظم ؒ نے دیکھے تھے۔