ہمیں سیاسی دہشت گرد قرار دیا جارہا ہے : شیر افضل مروت

رکن قومی اسمبلی شیر افضل مروت کاکہنا تھا کہ سیاسی دہشت گردی کیا ہوتی ہے؟26 نومبر کو ہمیں مارا گیا،26 نومبر کو کیا ہوا سب جانتے ہیں،ہمیں سیاسی دہشت گرد قرار دیا جارہا ہے،موجودہ وقت ایسے بیانات کا نہیں تھا۔

رہنما پی ٹی آئی شیر افضل مروت نے کہاکہ پی ٹی آئی میں بہت سارے عناصر ہیں جو نہیں چاہتےکہ توپوں کا رخ اداروں کی طرف ہو، ہماری کوشش ہےکہ اداروں کو سیاست کی نظر سے نہ دیکھا جائے۔

شیر افضل مروت کاکہنا تھا کہ مذاکرات کا عمل خوش آئند ہے،میں نہیں سمجھتا کہ ان بیانات سے مذاکرات پر کوئی اثر پڑنا چاہیے،باہر بیٹھے بعض لوگ ذمہ دارانہ بیانات دیتےہیں، بہت سے لوگ پی ٹی آئی کی صف میں شامل ہو کر گالم گلوچ کرتےہیں اور عمران خان ایسے عناصر سے لاتعلقی کا اظہار کر چکے ہیں۔

ان کاکہنا تھا کہ ان لوگوں کےبیانات کی قیمت پاکستان میں موجود پی ٹی آئی کے لوگوں کو چکانی پڑتی ہے۔

انہوں نے کہاکہ چیزیں مثبت انداز میں آگے بڑھ رہی ہیں،ہوش کے ناخن نہ لیے، معیشت کو درست سمت گامزن نہ کیاتو سب اکٹھے کھائی میں گریں گے۔

پی ٹی آئی کے رہنما شیر افضل مروت نے کہاکہ اسٹیبلشمنٹ کے ساتھ ہمارے کئی بار مذاکرات ہوئے، اسٹیبلشمنٹ مذاکراتی ٹیم کو فیسلیٹیٹ بھی کر رہی ہے، مذاکرات کے معاملے پر عمران خان بہت مثبت ہیں۔