ماڈل ایان علی نے بھی عمران خان کو گھبرانا نہیں‌ کا مشورہ دیدیا

ماڈل ایان علی نے تحریک انصاف کے چیئرمین عمران خان کو نہ گھبرانے کا مشورہ دے دیا۔ ماڈل ایان علی نے خود سے متعلق عمران خان کے بیان کا حوالہ دیتے ہوئے پی ٹی آئی کے چیئرمین کو تنقید کا نشانہ بنا ڈالا۔ ایان علی کا کہنا تھا کہ میں نے 20 سال کی عمر میں جھوٹے مقدمات لڑے اور جیت چکی، امید ہے آپ بھی گھبرائیں گے نہیں، دیکھتے ہیں آپ کتنے دن برداشت کرتے ہیں۔


ایان علی نے اپنے ٹوئیٹ میں‌ لکھا کہ جھوٹ سات سال بولا جائے یا 700 سال، ایک دن اپنی موت مر جاتا ہے، آپ نے ایک بیس سالہ لڑکی پر بہتان باندھ کر اپی رقیق سیاست کی، میں نے آپ کو توجہ یا جواب کے قابل نہیں‌ سمجھا مگر آپ اپنی حرکتیں بدلنے کو تیار نہیں، تو آپ کو جواب دوں گی تاکہ کسی اور عورت پر بہتان بانددھنے سے پہلے 100 مرتبہ سوچیں۔


ایان علی کا مزید کہنا تھا کہ دو عادات شاید آپ مرتے دم تک نہیں چھوڑ سکتے، پہلی عادت میرے نام پرٹی آر پی کمانا اور دوسری جھوٹ بولنا کیونکہ سچ بولنا آپ نے سیکھا ہی نہیں، آپ 4 سال وزیراعظم رہے لیکن پھر بھی مجھ پر جھوٹا الزام لگائے بغیر آپ کی تقریر اور خبر نہیں بنتی۔


واضح رہے کہ ماڈل ایان علی پر منی لانڈرنگ کے الزامات تھے اور عمران خان نے اپنی حالیہ تقریر میں ایان علی کا حوالہ دیا تھا۔

Related Articles

Back to top button