میزبان ”ندایاسر“ نے اپنی گوری رنگت کا راز بتا دیا

معروف مارننگ شو میزبان ندا یاسر نے اپنی سانولی رنگت کا اعتراف کرتے ہوئے کہا ہے کہ میک اپ اور لائٹنگ کی وجہ سے میرے چہرے کی جلد بعض اوقات گوری نظر آتی ہے، اپنی رنگت کے متعلق حقیقت کا انکشاف کرتے ہوئے ندایاسر کی ویڈیو ان دنوں سوشل میڈیا پر خوب وائرل ہے۔وائرل ہونے والی کلپ میں ندا یاسر نے خود انٹرویو کرنے والی میزبان کو کہا کہ وہ ان سے گوری رنگت سے متعلق سوال کیوں نہیں کر رہیں؟

بعد ازاں اداکارہ نے میزبان کو جواب دیتے ہوئے کہا کہ بچپن اور جوانی میں پوائنٹ بسز میں سفر کرتی تھیں یا ان کی زندگی اتنی پرتعیش نہیں تھی، اس لیے اس وقت وہ زیادہ سانولی دکھتی تھیں لیکن اب بھی وہ سانولی ہی ہیں، میزبان نے اعتراف کیا کہ اب پرتعیش زندگی ملنے کی وجہ سے وہ دھوپ میں نکلنے سے پہلے سن بلاک لگاتی ہیں اور رنگت گوری نظر آنے کے لیے دوسرے طریقے بھی آزماتی ہیں، ندا یاسر نے یہ انٹرویو 11 ماہ قبل مومنا کو دیا تھا اور وہ ’مومنا مکسڈ پلیٹ‘ نامی پوڈ کاسٹ میں شریک ہوئی تھیں۔

انٹرویو میں ندا یاسر نے یہ اعتراف بھی کیا تھا کہ وہ رنگت گوری کرنے کے لیے ’گلوٹا تھیون‘ (Glutathione) پیتی ہیں۔’گلوٹا تھیون‘ (Glutathione) رنگت گوری کرنے کی گولیاں اور سیرپ نما کیمیکل ہوتا ہے، جسے بعض خواتین بوٹوکس کے انجکشن کے متبادل کے طور پر استعمال کرتی ہیں۔اسی پروگرام میں ندانے بتایا تھا کہ ابھی وہ مارننگ شوز ہی کریں گی لیکن جب وہاں سے ریٹائرڈ ہوجائیں گی تو وہ اپنا پروڈکشن ہاؤس کھولیں گی، کیونکہ ان کے خاندان کے تمام افراد ہدایت کاری کرلیتے ہیں۔

انٹرویو کے دوران انہوں نے اپنے مارننگ شو میں ’ساس اور بہو‘ کو بلانے اور ان کے درمیان مقابلہ کروانے کے ایک سوال کے جواب میں بتایا تھا کہ ’ساس اور بہو‘ کا معاملہ اور جھگڑا انٹرنیشنل ہے، یہ ہر ملک اور ہر شادی شدہ خاتون کا مسئلہ ہے۔پروگرام کے دوران انہوں نے یہ اعتراف بھی کیا تھا کہ شادی کی  شروعات میں شوہر ان پر لباس اور فیشن سمیت دیگر مسائل بر بعض سختیاں کرتے تھے۔

واضح رہے کہ معروف میزبان ندا یاسر پروگرام میں اپنے مہمانوں کے انتخاب اور غلط سوالات کی وجہ سے اکثر سوشل میڈیا کی ٹرولنگ کا نشانہ بنتی رہتی ہیں، فارمولا ون کار کی ٹیم سے اداکارہ کا انٹرویو کئی مرتبہ سوشل میڈیا کی ٹرولنگ کا شکار بن چکا ہے۔