ورلڈ ٹوور کے شوقین افراد کی بڑی مشکل آسان ہوگئی

یورپ کی سیر کے لیے جانے والوں کی بڑی مشکل آسان ہوگئی ہے، سویڈن کے سفارتخانے نے 19 جنوری سے درخواستوں کی منظوری کا سلسلہ شروع کر دیا ہے، صرف 24 ہزار 200 روپے کی فیس کیساتھ یورپ کے ویزے کیلئے اپلائی کیا جا سکتا ہے، یورپی ممالک کی سیر کے شوقین افراد اب اس ویزے کے تحت زیادہ سے زیادہ 90 دن قیام کرسکیں گے۔تفصیلات کے مطابق پاکستانی شہریوں کے لیے شینگن ویزا کی فیس 80 یورو (24 ہزار 200 روپے) مقرر کی گئی ہے، پاکستان میں سویڈن کے سفارت خانے نے پاکستان اور افغانستان کے قانونی شہریوں سے شینگن ویزا درخواستوں کیلئے اپنے دروازے کھول دیئے ہیں، 19 جون سے شروع ہونے والی یہ ویزا سہولت سویڈن اور دیگر یورپی ممالک کی سیر کے شوقین افراد کے لیے زیادہ سے زیادہ 90 دن کے قیام کی اجازت دیتی ہے۔ویزا حاصل کرنے کیلئے متعدد چیزوں کا خیال رکھنا بے حد ضروری قرار دیا گیا ہے، جن میں سب سے ضروری چیز 6 ماہ کے اخراجات پر مبنی بینک بیلنس کا ہونا ضروی ہے، بینک اسٹیٹمنٹ پر متعلقہ بینک افسر کے دستخط اور مہر ہونی چاہئے، سویڈن میں 30 دن قیام کے لیے درخواست دہندگان کو اپنے بینک اکاؤنٹ میں 2400 یورو کے مساوی رقم ظاہر کرنے کی ضرورت ہے۔اس ویزے میں سفری لچک بھی مہیا کی گئی ہے، جس کے تحت قلیل مدتی شینگن ویزا متعدد یورپی ممالک تک رسائی فراہم کرتا ہے، پاکستان کے علاوہ، بینکاک، ینگون، ہنوئی، اور مزید شہروں میں بھی درخواستیں قبول کی جائیں گی، درخواست دہندگان ویزا جمع کرانے کیلئے اپنی پسند کی جگہ کا انتخاب کر سکتے ہیں، سویڈن کا سفارت خانہ اس بات پر زور دیتا ہے کہ وہ داخلے کے اجازت نامے یا ویزے کے بارے میں براہ راست معلومات فراہم نہیں کرے گا، وی ایف ایس گلوبل کو جمع کرائی گئی درخواستوں پر بنکاک میں کارروائی کی جائے گی، پاکستانی شہریوں کیلئے شینگن ویزا کی فیس 80 یورو (تقریباً 24,280 روپے) ہے، فیس کے علاوہ درخواست دہندگان کو اپنے ملک میں مالی وسائل اور اپنی معاشی اور سماجی حیثیت کا ثبوت بھی فراہم کرنا ہوگا، یہ نوٹ کرنا ضروری ہے کہ سویڈن کا سفارت خانہ داخلے کے اجازت نامے یا ویزا سے متعلق براہ راست معلومات فراہم کرنے کا پابند نہیں، واضح رہے سویڈن کے سفارت خانے کا یہ اقدام یورپ کی متنوع ثقافتوں کا تجربہ کرنے کے خواہشمند سیاحوں کیلئے دلچسپ امکانات پیش کرتا ہے۔