اداکار شاہ رخ خان کو گرمی لگ گئی،ہسپتال منتقل

 بالی ووڈ سپر اسٹار شاہ رخ خان کو ہیٹ اسٹروک کے باعث احمد آباد کے اسپتال میں داخل کرایا گیا ہے۔

اداکار منگل کو اپنی ٹیم کولکتہ نائٹ رائیڈرز اور سن رائزرز حیدرآباد کے درمیان انڈین پریمیئر لیگ (آئی پی ایل) کا میچ دیکھنے کے لیے احمد آباد میں موجود تھے جو شدید گرمی کی لپیٹ میں ہے۔

 شاہ رخ خان احمد آباد میں 45 ڈگری سیلسیس درجہ حرارت کے باعث ڈی ہائیڈریشن کا شکار ہوگئے۔بالی ووڈ اسٹار فی الحال طبی نگرانی میں ہیں تاہم اب ان کی طبیعت بہتر ہے، اسپتال کے ارد گرد سیکیورٹی سخت کر دی گئی ہے۔