افغان کرکٹر نجیب ٹریفک حادثے میں انتقال کر گئے

افغانستان کے نوجوان بلے باز نجیب تراکئی روڈ ایکسیڈنٹ کے نتیجے میں 29سال کی عمر میں انتقال کر گئے۔
افغانستان کرکٹ بورڈ نے ٹوئٹر پر نجیب کے انتقال کی تصدیق کرتے ہوئے کہا کہ 2اکتوبر کو ہونے والے کار ایکسیڈنٹ میں نجیب شدید زخمی ہو گئے تھے اور ان کی سرجری کرنی پڑی تھی۔ اس سلسلے میں بتایا گیا کہ افغان کرکٹر کا ننگرہار میں علاج جاری تھا اور افغان کرکٹ بورڈ نے کہا تھا کہ محکمہ صحت کے حکام کی جانب سے اجازت ملتے ہی انہیں کابل یا افغانستان سے باہر علاج کےلیے منتقل کیا جائے گا۔ نجیب تراکئی نے گزشتہ ماہ شپاگیزا پریمیئر لیگ میں مسابقتی کرکٹ میں شرکت کی تھی مس اینک نائٹس کےلیے 32رنز بنائے تھے۔ انہوں نے 12 ٹی20 انٹرنیشنل اور ایک ون ڈے میچ میں افغانستان کی نمائندگی کی۔ انہوں نے اپنا انٹرنیشنل ڈیبیو 2014 کے ٹی20 ورلڈ کپ میں کیا تھا اور بنگلہ دیش، متحدہ عرب امارات، آئرلینڈ، زمبابوے، بنگلہ دیش اور ہانک کانگ کے خلاف کھیلا تھا۔ انہوں نے انٹرنیشنل کرکٹ میں سب سے بڑا اسکور 2017 میں آئرلینڈ کے خلاف اسکور کیا تھا جب انہوں نے 90 رنز کی اننگز کھیلی تھی جب کہ انہوں نے بین الاقوامی کرکٹ میں آخری مرتبہ ستمبر 2019 میں بنگلہ دیش کے خلاف اپنے ملک کی نمائندگی کی تھی جب کہ انہوں نے اپنا واحد ون ڈے انٹرنیشنل میچ آئرلینڈ کے خلاف کھیلا تھا۔
تراکئی نے 24فرسٹ کلاس میچز کھیلے تھے جس میں انہوں نے 47.20 کی اوسط سے 6 سنچریوں اور 100 نصف سنچریوں کی مدد سے 2ہزار 30 رنز اسکور کیے جس میں 200 رنز کی اننگز بھی شامل تھی۔