آئی ایم ایف کی شرائط پر منی بجٹ آرڈیننس سے لانے کا فیصلہ

حکومت نے آئی ایم ایف کی شرائط کو مدنظر رکھتے ہوئے 360 ارب سے زائد کا منی بجٹ پارلیمنٹ کی بجائے آرڈیننس سے لانے کا فیصلہ کرلیا۔
حکومت نے ایک بار پھر آئی ایم ایف سے مذاکرات کا فیصلہ کیا، جس کے متعلق وزارت خزانہ نے کہا کہ پارلیمنٹ سے منظوری طویل وقت لے سکتی ہے۔
آئی ایم ایف نے 12 جنوری 2022 تک منی بجٹ پر عملدرآمد کی شرط عائد کی، فنانس بل کے بجائے آرڈیننس سے ٹیکسز کے نفاذ پر راضی کریں گے، آئی ایم ایف نے گزشتہ ماہ کی بات چیت میں آرڈیننس کو مسترد کردیا تھا۔
آرڈیننس کی تجویز پر رضا مندی کی صورت میں اسے فنانس بل 2022 کا حصہ بنایا جائے گا، آئی ایم ایف کے ایگزیکٹو بورڈ کا اجلاس 12 جنوری 2022 کو ہوگا، مزید ایک ارب ڈالر کے لیے آئی ایم ایف کی شرائط پوری کرنا ہوں گی۔