بابر اعظم ٹی ٹوئنٹی کے بعد قومی ون ڈے ٹیم کے بھی کپتان مقرر

پاکستان کرکٹ بورڈ نے قومی ٹی ٹوئنٹی ٹیم کے کپتان بابراعظم کو ایک روزہ میچوں کےلیے بھی ٹیم کا کپتان مقرر کر دیا۔ جب سابق کپتان سرفراز احمد کی سینٹرل کنٹریکٹ میں ایک درجہ تنزلی کے بعد اے سے بی میں آگئے۔ ایمرجنگ پلیئرز کی نئی کیٹیگری بھی متعارف کرا دی گئی۔
بابراعظم پاکستان ٹی ٹوئنٹی ٹیم کے بھی کپتان ہیں جب کہ اظہر علی ٹیسٹ ٹیم کی قیادت کریں گے۔
خیال رہے کہ بابراعظم سے قبل وکٹ کیپر بلے باز سرفراز احمد قومی ٹیم کے کپتان تھے تاہم پہلے ان سے ٹیسٹ اور ٹی ٹوئنٹی کی قیادت لی گئی اور پھر اب ون ڈے ٹیم کا کپتان بھی بابر اعظم کو بنا دیا گیا ہے۔
جب کرکٹ بورڈ نے سینٹرل کنٹریکٹ کا بھی اعلان کردیا نوجوان پیسر نسیم شاہ، پہلی مرتبہ سینٹرل کنٹریکٹ کی فہرست میں شامل ہوگئے۔
قومی ٹیم کے ہیڈ کوچ اور چیف سلیکٹر سابق کپتان مصباح الحق کے مطابق کنٹریکٹ دیتے وقت کھلاڑیوں کی گزشتہ کارکردگی کا جائزہ لینے کے ساتھ ساتھ آئندہ 12 ماہ میں شیڈول اپنے میچوں کےفارمیٹ اور تعدادکو پیش نظر رکھا گیا ہے۔
یاد رہے کہ پاکستان کو آئندہ 12 ماہ کےدوران 9 ٹیسٹ، 6 ایک روزہ اور 20ٹی ٹونٹی انٹرنیشنل میچوں کے علاوہ ایشیا کپ اور آئی سی سی ٹی ٹونٹی ورلڈکپ 2020 میں شرکت کرنی ہے۔
سینٹرل کنٹریکٹ لسٹ برائے 2020-21 کے مطابق کٹیگری اے میں اظہر علی، بابراعظم اور شاہین شاہ آفریدی شامل ہیں۔
کٹیگری بی میں عابد علی، اسد شفیق، حارث سہیل، محمد عباس، محمد رضوان، سرفراز احمد، شاداب خان، شان مسعود اور یاسر شاہ شامل ہیں۔
کٹیگری سی میں فخر زمان، افتخار احمد، عماد وسیم، امام الحق، نسیم شاہ اور عثمان شنواری شامل ہیں۔
نئی تشکیل کردہ ایمرجنگ پلیئرز کیٹگری میں حیدر علی، حارث رؤف اور محمد حسنین کو شامل کیا گیا ہے۔
پی سی بی کی جانب سے خواتین کرکٹرز کے سینٹرل کنٹریکٹ کا اعلان جلد کردیا جائے گا۔