تیار رہیں ہمیں کورونا کب ہوگا؟
مین اسٹریم میڈیا ہو یا سوشل میڈیا، آج کل ایک ہی موضوع زیر بحث ہے اور وہ ہے ‘کورونا’۔ یہاں تک کہ اگر آپ گھر میں اپنی فیملی کے ساتھ بیٹھے ہیں یا لاک ڈاؤن کے بعد احتیاطی تدابیر کو اپناتے ہوئے اپنے دوست احباب سے ملے ہیں تو گفتگو کا آغاز کورونا وائرس سے شروع ہو کر اسی پر ختم ہو جاتا ہے۔
ہر جگہ اس وباء کا تذکرہ سن کر بعض اوقات تو ایسا لگنے لگتا ہے کہ یا تو ہم بھی اس وباء کی لپیٹ میں آچکے ہیں یا عنقریب یہ وائرس ہمیں بھی اپنا شکار بنا لے گا۔
I’ve been living in Pakistan for more than 8 years. I have seen a lot. But nothing has frightened me more than the way, we as a country, have handled this pandemic. I fear we are past the stage of “if we contract COVID” Every household must now prepare for “when”. #COVIDPakistan
— Shaniera Akram (@iamShaniera) June 7, 2020
پاکستانی کرکٹ ٹیم کے سابق کپتان وسیم اکرم کی اہلیہ اور سماجی کارکن شنیرا اکرم بھی کچھ اسی قسم کے خوف میں مبتلا نظر آ رہی ہیں۔
انہوں نے اپنی ایک پوسٹ میں کہا ہے کہ ’مجھے پاکستان میں رہتے ہوئے آٹھ سال سے زیادہ کا عرصہ گزر چکا ہے لیکن مجھے کبھی کسی چیز نے اتنا خوفزدہ نہیں کیا جتنا بطور ملک ہمارے اس وباء سے لڑنے کے طریقہ کار نے کیا ہے۔’
انہوں نے مزید لکھا کہ مجھے ڈر ہے کہ ‘ہم اب ‘اگر ہمیں کورونا ہوگیا’ کے مرحلے سے گزر چکے ہیں اس لیے ہر کسی کو اب اس کے بجائے ‘(کورونا) کب ہوگا’ کےلیے تیار رہنا چاہیے۔’
اس سے قبل بھی شنیرا نے ٹوئٹر پر اپنے ایک پیغام میں کہا تھا کہ ’ہم ایک ایسی جنگ لڑ رہے ہیں جسے ہم دیکھ نہیں سکتے لیکن ہم پھر بھی لڑ رہے ہیں۔‘
ٹوئٹر صارف منال خان نے لکھا کہ ’واقعی میں آپ ٹھیک کہہ رہی ہیں اس کا تعلق اب ’کب‘ سے ہی ہے، مجھے بھی اب ایسا لگتا ہے کہ ہمیں اس بارے میں سوچنا چاہیے کہ جب یہ ہو جائے گا تو ہم کیا کریں گے؟‘
سوشل میڈیا صارفین نے شنیرا اکرم کے ساتھ اتفاق کرتے ہوئے خود کو محفوظ رکھنے اور سوشل ڈسٹنسنگ پر زور دیا۔
