جرمنی ، بیلجئیم میں سیلاب سے 120 افراد ہلاک
ہیمبرگ : مغربی یورپ میں طوفانی بارشوں کے نتیجے میں آنے والے سیلاب سے کم از کم 120 افراد جاں بحق اور سینکڑوں لاپتہ ہوگئے ہیں۔ریسکیو عملہ نے سیلاب سے ممکنہ طور پر بچ جانے والے افراد کی تلاش شروع کردی ہے۔ جرمنی اور بیلجئیم میں ریکارڈ بارش کے باعث شدید سیلاب آنے کے بعد سیکڑوں افراد لاپتہ ہوگئے ہیں ، شدید بارش اور سیلاب نے سوئٹزرلینڈ، لکسمبرگ اور نیدرلینڈ میں بھی تباہی مچائی ہے۔
سیلاب سے جرمنی میں ہلاکتوں کی تعداد 100 سے زائد ہوگئی ہے۔ جرمن صدر فرینک والٹر اسٹین میئر نے ہفتے کے روز سیلاب سے متاثرہ ایک علاقے کے دورے کے بعد پریس کانفرنس میں کہا کہ وہ سیلاب کی تباہی دیکھ کر”ششدر” رہ گئے ہیں۔مسٹر اسٹین میئر نے کہا کہ سیلاب نے ہر جگہ تباہی مچائی ہے بہت سے لوگوں نے وہی کھو دیا ہے جو انہوں نے ساری زندگی میں تعمیر کیا تھا۔
Over 120 have been reported dead following floods in Germany, Belgium, and the Netherlands.
MORE: https://t.co/B1hEDACnkg pic.twitter.com/MPQ6D86BP0
— Complex (@Complex) July 16, 2021
جگہ جگہ سیلابی پانی کھڑا ہونے کے سبب جرمنی میں ریسکیو ٹیموں کو مشکلات کا سامنا کرنا پڑ رہا ہے جبکہ لاپتہ افراد کے لواحقین اپنے پیاروں کے بارے میں جاننے کے لیے بے چینی سے انتظار کر رہے ہیں۔سیلاب کے باعث جرمنی میں فون نیٹ ورک شدید متاثر ہوا ہے، سڑکیں ٹوٹ پھوٹ کا شکار ہوگئی ہیں اور ایک لاکھ سے زائد گھروں کی بجلی کٹ گئی ہے۔
جرمنی میں سیلاب سے نارتھ رائن ویسٹ فیلیا، رائن لینڈ، پیلاٹیٹائن اور سارلینڈ کی ریاستیں سب سے زیادہ متاثر ہوئی ہیں ، پیلاٹیٹائن کے ضلع احرویلر میں عہدیداروں نے کہا کہ تقریبا 1300 افراد لاپتہ ہوئے ہیں۔سکلڈ کے گاؤں اہرویلر کے رہائشی نے خبر رساں ایجنسی کو اے ایف پی کو بتایا کہ کاریں دھل گئیں اور گھروں نے ان مناظر میں دستک دی جنہیں اس نے “جنگی زون” سے تشبیہ دی ہے۔
Currently Western Europe is seeing “worst flood in a century". Especially Germany & Belgium. Many cities are facing heavy rains in Luxembourg and the Netherlands. Whereas in Canada heatwaves are making new records. Not good signs. pic.twitter.com/JtzWcoBhkN
— Parveen Kaswan, IFS (@ParveenKaswan) July 17, 2021
رائن لینڈ-پیلاٹیٹائن کے وزیر داخلہ راجر لیونٹز نے مقامی میڈیا کو بتایا کہ ہلاکتوں کی تعداد میں مزید اضافے کا خدشہ ظاہر کرتے ہوئے کہا کہ جب آپ لوگوں کو اتنے لمبے عرصے تک نہیں سن سکتے تو آپ کو بدترین نتیجے کے لیے تیار رہنا چاہئے۔دوسری جانب بیلجیئم میں جہاں سیلاب سے 20 افراد ہلاک ہوئے ہیں نے چار صوبوں میں ریسکیو آپریشن کے لیے فوج کی مدد حاصل کی ہے۔
NEW 🚨 About 60 dead, dozens missing, thousands out of power after devastating floods in Germany
— Insider Paper (@TheInsiderPaper) July 15, 2021
بیلجیئم کے وزیر اعظم الیکزینڈر ڈی کرو نے 20 جولائی کو یوم سوگ کا قومی دن منانے کا اعلان کردیا ہے۔انہوں نے کہا کہ یہ سیلاب ہمارے ملک میں اب تک کا سب سے زیادہ تباہ کن واقع ہے۔دریں اثنا نیدرلینڈ کے لیمبرگ صوبے میں بڑھتے ہوئے سیلابی پانی کے بہاؤ کے باعث ہزاروں افراد اپنے گھروں سے محفوظ مقامات پر منتقل ہونا شروع ہوگئے ہیں۔
نیدرلینڈ کے جنوبی شہر ماستریچت اور آس پاس کے قصبوں میں سیلابی پانی کے بہاؤ میں کمی کے بعد جمعے کو رہائشی اپنے گھروں کو واپس لوٹنا شروع ہوگئے۔سوئٹزرلینڈ میں بھی تیز بارش کے بعد جھیلیں اور دریا بھی پانی کا بہاؤ بڑھ گیا ہے۔
