دنیا بھر میں کرونا کیسز کی تعداد 30 لاکھ سے بڑھ گئی

کرونا وائرس سے دنیا بھر میں متاثرین کی تعداد میں مسلسل اضافہ ہورہا ہے اور اب تک متاثرین کی تعداد 30 لاکھ جبکہ اموات 2 لاکھ سے تجاوز کرچکی ہیں۔
کوروناوائرس کے اعداد وشمار جاری کرنے والی ویب سائٹ کے مطابق اس وقت دنیا بھر میں 3 لاکھ 18 ہزار 203 افراد متاثر ہوچکے ہیں۔دنیا بھر میں اب تک وائرس سے متاثر ہوکر ہلاک ہونے والے افراد کی تعداد 2 لاکھ 7 ہزار 733 تک پہنچ گئی ہے جبکہ 8 لاکھ 94 ہزار 759 متاثرین صحت یاب ہوچکے ہیں۔
امریکا دنیا میں سب سے زیادہ متاثرہ ہونے والا ملک ہے جہاں مزید 162 کیسز کے اضافے کے بعد تعداد 9 لاکھ 87 ہزار 322 ہوگئی ہے۔امریکا میں کورونا وائرس سے ہلاکتوں کی تعداد 55 ہزار 415 ہے جبکہ صحت یاب ہونے والے افراد کی تعداد ایک لاکھ 18 ہزار 781 ہے۔رپورٹ کے مطابق امریکا میں اس وقت زیر علاج مریضوں کی تعداد 8 لاکھ 13 ہزار 126 ہے جن میں سے 15 ہزار 143 کی حالت خطرے میں ہے۔نیویارک میں متاثرین کی مجموعی تعداد 3 لاکھ کے قریب پہنچ گئی ہے اور آخری اطلاعات تک 2 لاکھ 93 ہزار 991 کیسز ہوگئے تھے اور اموات کی تعداد 22 ہزار 275 تھی۔امریکا کی ریاست نیوجرسی میں بھی کورونا وائرس کے کیسز کی تعداد ایک لاکھ 9 ہزار 38 ہوگئی ہے تاہم نیویارک کے مقابلے میں اموات کی شرح کم ہے۔نیو جرسی میں اب تک 5 ہزار 938 افراد وائرس سے ہلاک ہوچکے ہیں اور 6 سو سے زائد متاثرین کی حالت تشویش ناک ہے۔
خبرایجنسی اے ایف پی کے مطابق نیویارک کے گورنر اینڈریو کوومو کا کہنا تھا کہ 15 مئی سے معاشی سرگرمیوں کو جزوی طور پر بحال کیا جاسکتا ہے۔ان کا کہنا تھا کہ اگر کسی قسم کی نرمی کا فیصلہ کیا گیا پہلے مرحلے میں ریاسست کے شمالی علاقے میں کیا جائے گا اورنیویارک سٹی میں نرمی نہیں ہوگی جو امریکا کا سب سے زیادہ متاثرہ علاقہ ہے۔انہوں نے کہا کہ نیویارک سٹی کو کھولنے سے قبل ہمسایہ ریاستوں کے حکام سے بھی اس معاملے پر مشاورت کی ضرورت پڑے گی۔
اسپین میں حکام کی جانب سے بندشوں میں کمی کی گئی ہے لیکن چند روز میں مزید 9 ہزار 570 کیسز کے بعد مجموعی تعداد 2 لاکھ 36 ہزار 199 ہوگئی ہے۔کورونا وائرس سے سب سے زیادہ متاثر ہونے والے یورپی ملک میں اب تک 23 ہزار 521 افراد ہلاک اور ایک لاکھ 27 ہزار 609 صحت یاب ہوچکے ہیں۔یاد رہے کہ اسپین میں مارچ کے آغاز میں لاک ڈاؤن نافذ کیا گیا تھااور تقریبا 5 ہفتے سخت لاک ڈاؤن جاری رہا جس کے بعد نرمی کا اعلان کیا گیا تھا۔اسپین کی حکومت نے لاک ڈاؤن میں مزید نرمی کرتے ہوئے بچوں 27 اپریل کو پہلی بار 6 ہفتوں بعد گھروں سے باہر نکلنے کی اجازت دی۔اس سے قبل اسپین کی حکومت چند کاروباری اداروں کو کھولنے کی اجازت دی تھی اور اب آہستہ آہستہ اس کا دائرہ کار وسیع کررہی ہے۔
برطانیہ کے وزیراعظم بورس صحت یاب ہو کر اپنے فرائض انجام دینے لگے ہیں تاہم ملک میں کورونا وائرس کے کیسز کی تعداد بڑھ کر ایک لاکھ 52 ہزار 840 ت پہنچ گئی ہے۔اب تک ہلاکتوں کی مجموعی تعداد 20 ہزار 732 ہے جبکہ ایک ہزار 559 افراد کی حالت بدستور خراب ہے۔برطانیہ میں نافذ لاک ڈاؤن کی مدت مئی کے پہلے ہفتے کو ختم ہوجائے گی اور وزیراعظم بورس جانسن کو اب سب سے بڑا چیلنج لاک ڈاؤن کے حوالے سے فیصلے کی صورت میں ہے۔رپورٹ کے مطابق وزیر اعظم بورس جانسن نے ذمہ داریاں سنبھالنے کے بعد وزرا سے تجاویز طلب کی ہیں کہ کس طرح زندگیوں کو محفوظ بناتے ہوئے کاوروبار کو بحال کیا جا سکتا ہے۔
روس میں دینا کے دیگر ممالک کے مقابلے میں کورونا وائرس دیر پہنچا تاہم اب تعداد چین سے زیادہ ہوگئی ہے۔تازہ اعداد وشمار کے مطابق روس میں کیسز کی مجموعی تعداد 87 ہزار 147 ہے اور 794 افراد ہلاک ہوچکے ہیں۔روس میں اب تک کی رپورٹس کے مطابق 7 ہزار 346 افراد صحت یاب ہوچکے ہیں اور 79 ہزار 7 مریض زیر علاج ہیں۔