ٹرول کرنے پر شعیب کا کرکٹ کونسل کو منہ توڑ جواب
انٹرنیشنل کرکٹ کونسل کی جانب سے خود کو ٹرول کیے جانے پر راولپنڈی ایکسپریس شعیب اختر نے آئی سی سی کو منہ توڑ باؤنسر دے مارا۔
خیال رہے کہ انٹرنیشنل کرکٹ کونسل نے اس وقت پاکستانی کرکٹر شعیب اختر کو ٹرول کر دیا تھا جب انہوں نے معروف کرکٹ ویب سائٹ کرک انفو کے ایک ٹوئٹ پر جوابی کمنٹ کرتے ہوئے معروف آسٹریلوی بیٹسمین اسٹیو اسمتھ کو اپنی چوتھی ہی بال پر آؤٹ کردینے کے عزم کا اظہار کیا تھا جیسا کہ وہ ماضی میں بھی کرتے رہے ہیں۔ شعیب کے تبصرے پر آئی سی سی نے ایک ہنستے شخص کی ایموجی کے ذریعے راولپنڈی ایکسپریس کا تمسخر اڑانے کی کوشش کی۔ آئی سی سی کا یہ رویہ شعیب اختر کو ایک آنکھ نہ بھایا۔ اب انہوں نے جواب میں اپنی ایک ویڈیو شیئر کی یے جس میں وہ اپنے باؤنسر سے سابق جنوبی افریقی اوپنر گیری کرسٹن کو زخمی کرتے دکھائی دیتے ہیں جس کے بعد ان کے چہرے پر کئی ٹانکے لگے تھے۔
https://twitter.com/shoaib100mph/status/1260589706552717314?ref_src=twsrc%5Etfw%7Ctwcamp%5Etweetembed%7Ctwterm%5E1260589706552717314&ref_url=https%3A%2F%2Fwww.dawnnews.tv%2Fnews%2F1130899
شعیب اختر نے اس ویڈیو کے ساتھ تحریر کیا کہ آئی سی سی کوئی نئی ایموجی یا میم ڈھونڈ لے، معذرت کے ساتھ مجھے ایسی کوئی چیز نہیں ملی، میں تو صرف ایک اصل ویڈیو ہی ڈھونڈ سکا جی شیئر کر دی ۔ دراصل ہوا کچھ یوں تھا کہ کرک انفو نے اپنے ٹوئٹر اکاؤنٹ پر ایک پوسٹ شیئر کی جس میں 20 کھلاڑیوں کی تصویر موجود تھی۔ اس پوسٹ میں کہا گیا کہ اگر سابق اور موجودہ دور کے یہ کھلاڑی عروج پر ہوں تو آپ ان میں سے کون سا مقابلہ دیکھنا پسند کریں گے۔
Imagine these 20 players at their prime. You can only pick one contest to watch 🤜🤛 pic.twitter.com/8CzQLHYPMv
— ESPNcricinfo (@ESPNcricinfo) May 11, 2020
کرک انفو کی اُس پوسٹ میں چار سابق اور موجودہ پاکستانی کھلاڑیوں کا انتخاب کیا گیا جس میں سعید انور، وسیم اکرم، شعیب اختر اور پاکستان کی موجودہ ٹی20 اور ون دے ٹیم کے کپتان بابر اعظم شامل ہیں۔ پوسٹ میں وسیم اکرم کا مقابلہ سابق جنوبی افریقہ کپتان اور مسٹر 360 کے نام سے مشہور اے بی ڈی ویلیئرز سے کرایا گیا۔ اسی طرح سابق مایہ ناز اوپنر سعید انور کا مقابلہ موجودہ بھارتی فاست باؤلر جسپریت بمراہ اور بابر اعظم کا مقابلہ سابق آسٹریلین فاسٹ باؤلر گلین میک گرا سے کرایا گیا۔
Even today, 3 hurting bouncers and i can dismiss @stevesmith49 on the 4th ball. Lol https://t.co/6vvmrfFHNK
— Shoaib Akhtar (@shoaib100mph) May 11, 2020
اس سلسلے میں شعیب اختر نے ٹوئٹ پر تبصرہ کیا تھا جس پر آئی سی سی نے انہیں ٹرول کردیا تھا۔ شعیب اختر نے کہا کہ آج بھی میں تین خطرناک باونسرز کراؤں گا اور چوتھی گیند پر اسٹیو اسمتھ آؤٹ ہو جائیں گے۔
— ICC (@ICC) May 12, 2020
شعیب اختر کا یہ دعویٰ کچھ غلط بھی نہیں کیونکہ انخے باؤنسرز پر اسٹیو اسمتھ کو ہمیشہ مشکل پیش آتی ہے۔ شعیب اختر کے اس بیان پر آئی سی سی نے ایک لفظ بھی تحریر نہیں کیا لیکن ساتھ میں ہالی وڈ ایکٹر ونس ریمز کی تصاویر شیئر کیں جس میں انہیں بے ساختہ ہنستے ہوئے دیکھا جا سکتا ہے جسکا جواب اب شعیب اختر نے اپنے زوردار باؤنسر کے ذریعے دیا ہے۔ دیکھنا یہ ہے کہ آئی سی سی شعیب کے باؤنسر پر ہک کرتا ہے یا ڈک کرتا ہے۔
