شوبز کی وجہ سے تعلیم ادھوری چھوڑنے والی بھارتی سٹارز
معروف بالی ووڈ اداکار انیل کپور کی اداکارہ بیٹی سونم کپور نے ایک انٹرویو میں کہا تھا کہ انہیں زندگی میں ایک بات کا ہمیشہ افسوس رہے گا کہ وہ گریجویشن نہ کرسکیں، تاہم 32 سالہ سونم کپور کو یہ یقین ضرور ہے کہ وہ ایک نہ ایک دن گریجویشن ضرور کرلیں گی۔ مگر بہت کم لوگ جانتے ہیں کہ صرف سونم ہی نہیں دنیا کی بڑی بڑی جانی پہنچانی شوبز شخصیات اتنی کامیابی حاصل کرنے کے باجود گریجویشن کرنے میں ناکام رہیں۔
سلمان خان نے اپنی ابتدائی تعلیم باندرہ کے مختلف اسکولوں سے حاصل کی، تاہم نیشنل کالج میں داخلہ لینے کے بعد انہوں نے کالج چھوڑ دیا اور شوبز کی دنیا میں داخل ہو گئے اور خوب نام کمایا۔ تاہم وہ گریجویشن نہ کرسکے۔
ا
سی طرح عامر خان نے 12 جماعتوں تک تعلیم نارسی مون جی کالج ممبئی سے حاصل کی، تاہم اس کے بعد انہوں نے تعلیمی سلسلے کو چھوڑنے کا فیصلہ کیا اور اپنے چچا ناصر حسین کے ساتھ کام پر لگ گئے۔ بعد ازاں انہیں فلمی دنیا میں اتنی کامیابیاں ملیں کے پیچھے مڑ کر نہ دیکھا اور گریجویشن بھی ادھوری رہ گئی۔
راجیش کھنہ اور ڈمپل کباڈیہ کے داماد اکشے کمار نے بھی کالج میں داخلہ تو لیا، تاہم مارشل آرٹس کی محبت میں وہ کالج کی تعلیم ادھوری چھوڑ گئے۔ بعد ازاں وہ فلمی دنیا کی طرف آ گئے اور یوں گریجویشن ادھوری رہ گئی۔
بالی ووڈ اداکارہ دیپیکا پاڈوکون نے ابتدائی تعلیم بینگلور کے صوفیہ ہائی اسکول سے حاصل کی، جب کہ کالج کا آغاز ماونٹ کارمل کالج سے کیا۔ بعد ازاں انہوں نے اندرا گاندھی نیشنل اوپن یونیورسٹی میں سوشیالوجی میں گریجویشن کیلئے داخلہ تو لیا، تاہم فلمی دنیا میں آنے کے بعد ان کی مصروفیات اتنی زیادہ ہو گئی کہ پھر پیچھے مڑ کر نہ دیکھا
اور ان کی گریجویشن بھی ادھوری رہ گئی۔
اداکار رنبھیر کپور کی بیٹی کرشمہ کپور نے 16 سال کی عمر سے فلم نگری میں قدم رکھا۔ تاہم وہ شروع سے ہی پڑھائی کی بجائے اداکاری پر زیادہ توجہ دیتی تھیں اور اداکاری پر توجہ مرکوز رکھنے کیلئے ہی انہوں نے تعلیم کو خیر آباد کہہ دیا۔
ایشوریہ رائے اپنے تعلیمی کریئر میں بہترین سٹوڈنٹ تھیں اور ہمیشہ 90 فیصد نمبر حاصل کیے، انہیں آرکیٹیکٹ بننے کا شوق تھا، جس کیلئے انہوں نے راہیجا کالج آرٹس میں داخلہ بھی لیا تاہم اس خواب کو پورا کرنے میں ناکام رہیں۔ وہ شوبز میں کیا داخل ہوئیں پڑھائی کے لیے وقت ہی نہیں بچا۔ یوں وہ اپنی گریجویشن بھی مکمل نہ کرسکیں ۔
