کرونا وائرس ، سعودی شہریوں کو 3 سال کی پابندی کا سامنا

وزارت داخلہ نے کہا کہ پابندی والے ممالک کا سفر براہ راست یا بالواسطہ بھی نہ کیا جائے۔سعودی حکام نے کہا کہ کورونا کے پیش نظر کئی ممالک کے سفر سے منع کیا جاچکا ہے۔ کورونا پھیلاؤ کے باعث متعدد ممالک کے سفر پر پابندی لگائی گئی ہے لہذا ایسے کسی ملک کا سفر نہ کیا جائے جہاں جانے سے منع کیا گیا ہے۔

وزارت داخلہ کا کہنا تھا کہ پتہ چلا ہے کہ بعض سعودی شہری ممنوعہ ممالک کا سفر کر رہے ہیں، یہ سرکاری اداروں کی جاری کردہ پابندی کی کھلی خلاف ورزی ہے اسی لیے ملوث پائے گئے افراد سے وطن واپسی پر قانونی باز پرس ہوگی اور جرمانہ بھی عائد کیا جائے گا۔