شہباز گل وزیراعظم کے اعزازی معاون خصوصی مقرر
پاکستان تحریک انصاف کے رہنما شہباز گِل کو وزیراعظم عمران خان کا اعزازی معاون خصوصی مقرر کردیا گیا۔
کابینہ ڈویژن کی جانب سے جاری نوٹی فکیشن کے مطابق شہباز گِل کووزیراعظم کامعاون خصوصی برائے پولیٹیکل کمیونیکشن تعینات کیا گیا ہے۔
نوٹی فکیشن کے مطابق شہباز گل کی تعیناتی اعزازی ہو گی جس کا اطلاق فوری طور پر ہوگا۔
خیال رہے کہ شہباز گل اس سے قبل وزیراعلیٰ پنجاب عثمان بزدار کے ترجمان رہ چکے ہیں اور حالیہ دنوں میں انہوں نے اپوزیشن پر تنقید کا سلسلہ خاصہ تیز کردیا تھا۔
