شین وارن کرونا وائرس کا شکار
سابق آسٹریلوی لیگ سپنرشین وارن کا کرونا ٹیسٹ مثبت آگیا ہے۔ نجی ٹی وی کے مطابق 51 سالہ شہرہ آفاق کرکٹر نے کرونا ٹیسٹ مثبت آنے کے بعد خود کو قرنطینہ کرلیا ہے۔ وہ اتوار کی صبح سے بہتر محسوس نہیں کررہے تھے جس کے بعد انہوں نے اپنا کرونا ٹیسٹ کروایا تھا ۔ دوسری جانب شین وارن نے اپنی ہالی ووڈ فلم میں تاخیرکی وجہ کرونا کو قرار دے دیا۔
شین وارن نے 2019ء میں بتایا تھا کہ لاس اینجلس میں ایک کمپنی 2008ء میں راجستھان رائلز کی آئی پی ایل فتح پر فلم بنانے کا ارادہ رکھتی ہے، اس میں ہالی ووڈ فلموں والا تمام مصالحہ بھی شامل ہوگا۔ اب وارن کا کہنا ہے کہ کرونا کی وجہ سے یہ منصوبہ روک دیا گیا، رواں برس کے آخر یا آئندہ سال کے اوائل میں کام شروع ہونے کا امکان ہے۔
