صدر عارف علوی سے ارشد ندیم اور طلحہ طالب کی ملاقات

ٹوکیو اولمپکس کے فائنل کے لیے کوالیفائی کرنے والے قومی ایتھلیٹ ارشد ندیم اور ویٹ لفٹر طلحہ طالب نے صدر عارف علوی سے ملاقات کی ۔

ملاقات میں صدر مملکت نے ٹوکیو اولمپکس میں نمایاں پوزیشن حاصل کرنے پر ایتھلیٹس کی کارکردگی کو سراہا اور کہا کہ  دونوں کھلاڑیوں نے بہتر کھیل کا مظاہرہ کرکے ملک کا نام روشن کیا۔

صدر مملکت ڈاکٹر عارف علوی نے کہا کہ  امید ہے کہ ایتھلیٹس مستقبل میں اس سے بھی بہتر کارکردگی دکھائیں گے۔  صدر مملکت نے حوصلہ افزائی کیلئے دونوں ایتھلیٹس میں انعامی چیکس بھی تقسیم کیے۔

صدر مملکت سے ملاقات میں وفاقی وزیر برائے بین الصوبائی روابط ڈاکٹر فہمیدہ مرزا بھی موجود تھیں۔