نواز شریف نے ق لیگ کو پنجاب کی وزارت اعلیٰ دینے کی حامی بھرلی

مسلم لیگ ن کے قائد نواز شریف نے مسلم لیگ ق کو پنجاب کی وزارت اعلیٰ دینے کی حامی بھر لی۔
ن لیگ کے ذرائع کے مطابق ن لیگ کی ٹیم آج چوہدری برادران کو نواز شریف کا پیغام پہنچائےگی۔
ذرائع نے دعویٰ کیا ہے کہ کچھ دیر قبل مسلم لیگ ن اور مسلم لیگ ق کی قیادت کے درمیان اعلیٰ سطح کا رابطہ ہوا تھا، نواز شریف نے جلد الیکشن کرانےکی شرط پر وزارت اعلیٰ دینےکی حامی بھری ہے، نئے انتخابات 3 سے 6 ماہ کے اندر کرائے جائیں گے۔ذرائع کے مطابق مسلم لیگ ن کا اعلیٰ سطح کا وفد آج شام ق لیگ کی قیادت سے ملاقات کرے گا، ملاقات آج شام اسلام آباد میں چوہدری برادران کی رہائش گاہ پر ہوگی۔
خیال رہے کہ وزیردفاع پرویز خٹک نے بھی ق لیگ کی قیادت سے ٹیلی فونک رابطہ کیا ہے۔
یہ بھی یاد رہے کہ مسلم لیگ ق پنجاب کی وزارت اعلیٰ ٰسے کم کسی بات پرگفتگو کے لیے تیار نہیں جب کہ حکومت نے ابھی تک کسی قسم کی پیشکش کی اور نہ کوئی جواب دیا ہے۔