وفاقی وزرا کادورہ پاکستان جاری رکھنے پرسری لنکاکرکٹ ٹیم سےاظہارتشکر
وزیر دفاع خواجہ آصف اور وفاقی وزیر اطلاعات عطااللہ تارڑ نے دورہ پاکستان جاری رکھنے کا فیصلہ کرنے پر سری لنکن کرکٹ ٹیم کا شکریہ ادا کیا ہے۔
وزیر دفاع خواجہ آصف نے ’ایکس‘ پر ایک بیان میں کہاکہ پاکستان میں کرکٹ کے فروغ میں سری لنکن ٹیم کا کردار قابل تعریف ہے، ہماری نیک تمنائیں ان کے ساتھ ہیں۔
وزیر اطلاعات عطااللہ تارڑ نے کہاکہ میں سری لنکن کرکٹ ٹیم کا دل کی گہرائیوں سے شکریہ ادا کرتا ہوں۔
انہوں نے کہاکہ کھیلوں کے اس جذبے کو قائم رکھیں، آپ کی موجودگی ہمارے لیے باعثِ اعزاز ہے۔
واضح رہے کہ سری لنکن کرکٹ ٹیم کے کچھ کھلاڑیوں نے دورہ ادھورا چھوڑ کر وطن واپس جانے کا عندیہ دیا تھا، تاہم چیئرمین پی سی بی محسن نقوی کی کاوشوں کے بعد اب سری لنکن بورڈ نے دورہ جاری رکھنے کا اعلان کردیا ہے۔
سری لنکن بورڈ کے مطابق اگر کوئی کھلاڑی واپس آنا چاہے تو اسے روکا نہیں جائےگا، اور اس کے متبادل کھلاڑی پاکستان بھیجا جائےگا۔
