پارلیمنٹ قومی سلامتی پالیسی سے بے خبر ہے

سربراہ جے یو آئی مولانا فضل الرحمان کا کہنا ہے کہ پارلیمنٹ قومی سلامتی پالیسی سے بے خبر ہے، ہماری قوم کا مستقبل اندھیرے میں دھکیلا جا رہا ہے۔
مانسہرہ میں ہونے والی اسلام کانفرنس سے خطاب کرتے ہوئے مولانا فضل الرحمان نے کہا کہ سیکیورٹی پالیسی کی بنیاد پر کشمیر کیساتھ کھیل کھیلا گیا ہے، عام آدمی کی قوت خرید ختم ہو گئی ہے۔
فضل الرحمان نے کہا کہ بلدیاتی انتخابات کے اگلے مرحلے میں بھی گو نیازی ثابت کر کے دکھانا ہے، 5 وزیر خزانہ تبدیل ہوئے مگر اسٹیٹ بینک کے گورنر کو نہیں ہٹایا جا سکا ہے، کیونکہ اسٹیٹ بینک کا گورنر آئی ایم ایف کا ایجنٹ ہے۔
سربراہ جے یو آئی نے کہا کہ اسلام میں بُرائی روکنے کا ذمہ دار حکمران ہوتا ہے، ہمارے ہاں برائی کی جڑ ہی حکمران ہیں۔
فضل الرحمن نے کہا کہ قوم کے اجتماعی مفاد کیلئے علما کو متحد ہو کر کام کرنا ہوتا ہے، قومی معاملات میں ایک فرد کی رائے کافی نہیں ہوتی ہے، جے یوآئی کو عوام کی بھرپور حمایت اور اعتماد حاصل ہے۔