پاکستانی شوبز اسٹارز جن کے بچے ان کے ہم شکل ہیں

عموماً بچوں کے خدوخال میں ماں باپ کا عکس نمایاں ہوتا ہے، کسی کی آنکھیں اپنے والد سے ملتی ہیں تو کوئی چہرے کے نقش میں اپنی والدہ سے مماثلت رکھتا ہے کسی کے ناک کو باپ کے ناک سے مشابہ قرار دیا جاتا ہے تو کسی کو حسن میں ماں کا ہم پلہ گردانا جاتا ہے لیکن کچھ بچے اپنے والدین سے اتنی زیادہ شباہت رکھتے ہیں کہ انہیں دیکھنے سے ہی اندازہ ہوجاتا ہے کہ وہ کس کی والاد ہیں اور انہوں نے والدین میں سے کس کے نقش چرائے ہیں۔
پاکستان کی سپر اسٹار ماہرہ خان ایک سنگل مدر ہیں اور اکثر اپنے بیٹے کے حوالے سے سوشل میڈیا پر پوسٹ لگاتی رہتی ہیں، ان کے بیٹے کی شکل کو غور سے دیکھیں تو اندازہ ہوگا کہ ماں اور بیٹے میں بلا کی مماثلت ہے، دونوں کے مسکرانے کا انداز تک ایک جیسا ہے۔

فضا علی اور ان کی بیٹی فرال
صرف شکل ہی نہیں فضا علی کی بیٹی فرال عادات اور انداز میں بھی اپنی ماں کی پرچھائی ہیں، نہ صرف فرال کے نین نقش اپنی ماں سے ملتے ہیں بلکہ بچی کا بولنے کا انداز، آنکھیں گھمانے کا انداز اور شرارتیں سب کچھ اپنی والدہ سے چرایا ہوا لگتا ہے۔
فہد مرزا اور روحان مرزا
ثروت گیلانی اور فہد مرزا کے گھر کا سب سے پہلا چراغ روحان مرزا اپنے ابا کا ہم شکل ہے، دونوں کی شکلوں میں بہت گہری شباہت ہے اور باپ اور بیٹا ایک ہی سانچے میں ڈھلے لگتے ہیں، ثروت کا کوئی عکس بچے میں موجود نہیں، روحان مرزا ہو بہو باپ کی کاپی لگتا ہے یعنی چھوٹا فہد مرزا۔
نادیہ حسین اور شانزے
ماڈل اور بیوٹیشن نادیہ حسین کی دوسرے نمبر والی بیٹی شانزے ان کی ہی ہم شکل ہے، بچی کا قد، ماتھا اور فیس کٹ بالکل نادیہ حسین کا دوسرا روپ ہے، شانزے کے علاوہ بھی نادیہ حسین کے تین بچے ہیں لیکن یہ بچی اپنی ماں کی پرچھائی لگتی ہے۔
دانش تیمور اور رایان تیمور
اداکار دانش تیمور کے چھوٹے بیٹے رایان تیمور بھی ان کے ہم شکل لگتے ہیں، انہی کی طرح آنکھوں میں شرارت اور چہرے پر بلا کی معصومیت، دونوں باپ بیٹے میں اتنی زیادہ مماثلت ہے کہ دور سے ہی پہچان لئے جائیں۔
سنیتا مارشل اور زائنہ احمد
ماڈل اور اداکارہ سنیتا مارشل کا بیٹا اپنے باپ کی طرح اور بیٹی زائنہ احمد بالکل اپنی ماں کی طرح ہے، یہ تو بالکل ایسے ہے کہ دونوں بچوں نے اپنے والدین کا دل رکھا ہے اور چھوٹی سنیتا اور چھوٹے حسن کے روپ میں سامنے آگئے ہیں۔
نعمان اعجاز اور زاویار
اداکار نعمان اعجاز کے بڑے بیٹے زاویار کو اگر ان کے ساتھ بٹھا کر دیکھا جائے تو لگے گا کہ یہ دونوں جڑواں بھائی ہیں۔ ان کے چہرے ہی نہیں بلکہ اسٹائل، چلنے کے انداز، بولنے اور دیکھنے میں بھی غضب کی مماثلت پائی جاتی ہے۔