پاکستان مینگروز جنگلات کی نشوونما کرنے والا واحد ملک
وزیر مملکت فرخ حبیب کا کہنا ہے کہ پچھلے 10 سال میں 300 فیصد اضافہ کیساتھ پاکستان دنیا میں واحد ملک بن گیا ہے جہاں سب سے زیادہ مینگروز جنگلات کی نشوونما ہورہی ہے۔درختوں کی حفاظت اور نشونما کرنے کے لئے بڑی تعداد میں وہاں کے مقامی لوگوں کو گرین نوکریوں کے مواقع بھی مل رہے ہیں۔
وزیراعظم عمران خان موسمیاتی تبدیلی پر کام کرنے کے حوالے سے عالمی لیڈر بن کر ابھرے ہیں، عالمی ادارے بھی وزیراعظم عمران خان کی ان کاوشوں کے متعرف ہیں۔ بلین ٹری منصوبہ کو اقوام متحدہ ، ورلڈ اکنامک فورم، بون چیلنج میں پذیرائی حاصل ہوئی https://t.co/hdhjl0bZ7T
— Farrukh Habib (@FarrukhHabibISF) August 10, 2021
وزیر مملکت فرخ حبیب نے سوشل میڈیا ویب سائٹ ٹوئٹر پر پیغام میں کہا ہے کہ وزیراعظم عمران خان موسمیاتی تبدیلی پر کام کرنے کے حوالے سے عالمی لیڈر بن کر ابھرے ہیں۔عالمی ادارے بھی وزیراعظم عمران خان کی ان کاوشوں کے معترف ہیں۔ بلین ٹری منصوبہ کو اقوام متحدہ ، ورلڈ اکنامک فورم، بون چیلنج میں پذیرائی حاصل ہوئی ہے۔
انہوں نے کہا کہ ایک طرف اقوام متحدہ کے سیکریٹری جنرل نے آئندہ 10 سال میں درجہ حرارت شدید بڑھنے کی ریڈ وارننگ جاری کردی ہے۔دوسری جانب وزیراعظم عمران خان شجر کاری مہم کی خود قیادت کررہے ہیں۔ لاہوراربن میوا کی اور آج بلوچستان کے علاقے لسبیلہ(میانی) مینگروز اور کل لال سوہانرابہاولپور میں ڈرون شجرکاری ہوگی۔
